چاودێرى مافى مرۆڤ به‌ڵگه‌ى ده‌ستدرێژى و ئازارى جێنسى زیندانیه‌کانى له ئێران کۆکردۆته‌وه
گروپێک له پارێزه‌رانى مافى مرۆڤ ده‌ڵێن: به‌ڵگه‌ى زیندووى سێ که‌س له قوربانیانى ده‌ستدرێژى و ئازارى جێنسى له کاتى گرتنه‌کانى دواى هه‌ڵبژاردنه‌کانى سه‌رۆک کۆمارى رژیم له جۆزه‌ردانى رابردووى کۆکردۆته‌وه و ئاماده‌ى کردوه.
رێکخراوى چاودێرى مافى مرۆڤ که له نیۆیۆرک جێگیره له راگه‌یێندراوێکدا رایگه‌یاند که یه‌ک له‌و پیاوانه‌ى ده‌ستدرێژى کراوه‌ته سه‌ر نامه‌ی پزیشکى هه‌یه و ته‌ئیدى ده‌کا که به زۆر ئازارى جه‌سته‌یی دراوه. ئه‌و ناوه‌نده ده‌ڵێ: به‌ڵگه‌ى به ده‌سته‌وه‌یه که له ماوه‌ى گرتندا ده‌ستدرێژى کراوه‌ته سه‌ر ئه‌و ژن و پیاوه‌ى دیکه.
ئه‌و ناوه‌نده ده‌زگاى دادوه‌رى رژیم تاوانبار ده‌کا که سه‌رپۆش ده‌خاته سه‌ر ئه‌و په‌روه‌ندانه و داواى له به‌رپرسانى رژیم کردوه که له باره‌ى ئه‌و په‌روه‌ندانه لێکۆڵینه‌وه بکه‌ن.
