رژیم ناردنى ئورانیۆمى پالاوته کراوى ره‌د کرده‌وه
سه‌رۆکى کومسیونى ئاسایش و سیاسه‌تى ده‌ره‌وه‌ى مه‌جلیسى رژیم باسى دانى ئورانیۆمى ٥/٣ له‌سه‌د بۆ وه‌رگرتنى سووته‌مه‌نى ٢٠ له‌سه‌دى ره‌د کرده‌وه.
عه‌لائه‌دینى بروجردى سه‌باره‌ت به هێندێ قسه‌ى که گوایا رژیم ئاماده‌یه
سووته‌مه‌نى ٥/٣ له‌سه‌د بۆ وه‌رگرتنى ٢٠ له‌سه‌دى پێویست بۆ راکتۆرى تاران پێشکه‌ش به ناوه‌ند بکا، گووتى که قه‌رار نیه له‌و سووته‌مه‌نیه ١٢٠ ٠ کیلۆییه دروست کراوه شتێک به لایه‌نى به‌رانبه‌ر بدرێ بۆ وه‌رگرتنى سووته‌مه‌نى ٢٠ له‌سه‌د و ئه‌و کاره چ بۆ کاتى و چ به‌شێوه‌ى هه‌میشه کارێکى دروست نیه.
سه‌رۆکى کومسیونى ئاسایش و سیاسه‌تى ده‌ره‌وه‌ى مه‌جلیسى رژیم هه‌روه‌ها له وه‌لامى پرسیارێک سه‌باره‌ت به قسه‌ى هێندى له به‌رپرسانى رۆژئاوایی که ده‌بێ رژیمى ئێران تا دوو رۆژى داهاتوو وه‌لامى ناوه‌ند و پێشنیاره‌کان بداته‌وه گووتى رۆژئاواییه‌کان ناتوانن دیارى بکه‌ن و ئێمه پێبه‌ندى قسه‌ى ئه‌وان نین.
