هه‌روه‌ک له پێشدا به هه‌واڵێکی کورت ئاگادارمان کردبوون که ، کومیته‌ی سوئێدی سازمانی خه‌بات،ی کوردستانی ئێران، بۆ رێزگرتن له یاد و بیره‌وه‌ری ٥ی خه‌رمانان سالرۆژی دامه‌زراندنی سازمانی خه‌بات و ١٠ ی خه‌زه‌ڵوه‌ر رۆژی پێشمه‌رگه‌ی سازمان، ئێواره‌ی رۆژی شه‌ممۆ ٧ی نوامبری ٢٠ ٠ ٩ی زایینی به‌رانبه‌ر به ١٦ی خه‌زه‌ڵوه‌ری ١٣٨٨ کۆچی خۆری له لۆکاڵی ،، والسێترا شیرکان،، له شاری ئۆپسالا له ولاتی سوئید رێ و ره‌سمێکی شکۆداریان به به‌شداری جه‌ماوه‌رێکی به‌ر چاو له ئه‌ندامان و لایه‌نگران و دۆستانی سازمانی خه‌بات و نوێنه‌ر و ئه‌ندامانی لایهن و هێزه سیاسیه‌کانی رۆژهه‌لاتی کوردستان ،له‌وان حیزبی دیموکراتی کوردستان و کۆمه‌ڵه‌ی شۆڕشگێری زه‌حمه‌تکێشانی کوردستانی ئێران ومیوانانی سوئیدی وه‌ک : کارگێرانی رۆداکۆشێت و ڕێدابارن، واته خاجی سوور و رێکخراوی مندالپارێزی سوئێد، به‌رێوه برد،که چۆنیه‌تی به‌رێوه‌چوونی ئه‌و رێ و ره‌سمه به‌شێوه‌ی خواره‌وه به‌رێوه چوو.
دوای ئه‌وه‌ی که لۆکاڵی رێ و ره‌سمه‌که به‌ته‌واوی ته‌ژی بوو له به‌شداربوان و تریبوونی رێ و ره‌سمه‌که به ئاڵای ره‌نگاو ره‌نگی کوردستان و ئارمی سازمانی خه‌بات و ئالای وڵاتی سوئێد و ده‌سته گوڵی دیاری میوانان ،له‌لایه‌ن به‌رێوه‌به‌رانی ئاهه‌نگه‌که‌وه رازابۆوه، تراکت و وێنه‌ی شه‌هیدان و ویدیۆ کلیپی رۆژانی رابردوی کارو چالاکیه‌کانی سازمان به پرۆژۆکتۆر نیشانی به‌شدار بوان ده‌درا، له سه‌عات ٦ێ دوانیوه‌‌ڕۆدا ده‌ستپێکی به‌رنامه‌کانی ئه‌و کۆڕ و رێ وره‌سمه له لایهن هاورێیان ،،کاک جه‌لال خوشکه‌لام و خوشکه هێرۆ حسینی یه‌وه ده‌ستی پێ کرد. سه‌ره‌تا ده‌قیقه‌ێک بێده‌نگی بۆ رێزگرتن له گیانی پاکی شه‌هیدانی کورد و کوردستان به‌تایبه‌ت شه‌هیدانی به‌وه‌جی سازمانی خه‌بات،ی کوردستانی ئێران له لایهن خوشکه هێرۆوه راگه‌ێندرا. پاشان کاک جه‌لال خوشکه‌لام به ده‌نگه به‌سۆزه‌که‌ی شێعری ،، من سازمانی خه‌باتم،، له شێعره‌کانی به‌رێز و پایه به‌رز مامۆستا په‌ژار ( مامۆستا شیخ جه‌لال حسه‌ینی)، پێشکه‌ش کرد و دوایه به‌م شێوه به خێر هاتنی میوانان و به‌شدار بوانی کرد: هاو کۆڕانی هێژا! میوانانی به‌رێز ! نوێنه‌رانی هێزو لایهن کوردیه‌کان! دۆستانی دڵسۆزمان! ئه‌ندامان و لایه‌نگرانی به وه‌فای سازمانی خه‌بات،ی کوردستانی ئێران!. خۆمان به به‌خته‌وه‌ر و شادمان ده‌زانین که لێره له خزمه‌ت ئێوه خۆشه‌ویستان داین بۆ رێزگرتن له کۆڕی یاد و بیره‌وه‌ی ٥ی خه‌مانان و ١٠ ی خه‌زه‌ڵوه‌ر، وه‌ک ساڵرۆژی دامه‌زراندنی سازمان و بیره‌وه‌ری رۆژی ١٠ ی خه‌زه‌ڵوری ١٣٥٨ی کۆچی خۆری ،رۆژی پێشمه‌رگه‌ی سازمانی خه‌بات،ی کوردستانی ئێران . له لایهن ده‌سته‌ی به‌رێوه‌به‌ری کومیته‌ی سوئێدی سازمانی خه‌باته‌وه پڕ به‌دڵ به خێرهاتنتان ده‌که‌ین . هاتنتان بۆ کۆڕه‌که‌مان نیشانه‌ی ئه‌وپه‌‌ڕی وه‌فاداری و دڵسۆزیتانه بۆ خه‌بات و ره‌نج و خوێنی خه‌باتگێڕان و شه‌هیدانی سوورخه‌ڵاتی رێبازی پڕ له شه‌ره‌ف و شانازی سازمانی خۆشه‌ویستی گه‌لی کورد، سازمانی خه‌بات،ی کوردستانی ئێرانه. ئه‌و سازمانه‌ی که هه‌ر له‌سه‌ره‌تای دامه‌زرانیه‌وه، نزیکی و هاوده‌نگی و هاوهه‌ڵویستی له گه‌ڵ هێز و لایه‌نه ره‌سه‌نه‌کانی تری بزاڤی ره‌وای گه‌له‌که‌مان له هه‌موو کوردستاندا به یه‌کێک له ئه‌رکه‌کانی خه‌بات و تێکۆشانی خۆی زاینوه و ده‌زانێ . وێرای به خێرهاتنی دوباره‌ی ئێوه‌ی زێده ئازیز، هیوادارین ئێواره‌کۆڕ و شه‌وئاهه‌نگێکی خۆش و یه‌ک دڵ پێکه‌وه به‌رینه سه‌ر .
دوا به‌دوای وته‌کانی کاک جه‌لال، په‌یامی کومیته‌ی ناوه‌ندی له لایهن هاوڕی به‌رێز،، کاک یحیا ره‌سوڵی،، یه‌وه خوێندرایه‌وه که ده‌قی ئه‌و په‌یامه ئه‌مه‌ی خواره‌وه بوو: خوشک و برایانی تێکۆشه‌ر، میوانانی به‌رێز! ١٠ ی خه‌زڵوه‌ری ١٣٥٨ی کۆچی خۆری، بیره‌وه‌ری ئه‌و رۆژه مێژووییه‌یه که رۆڵه‌کانی گه‌لی کورد، پێشمه‌رگه فیداکاره‌کانی کوردستان و هێزی به‌رگری میللی له به‌رانبه‌ر گه‌وره‌ترین و ته‌یار ترین هێزی دژمندا فیداکاریان نواند و حه‌ماسه‌یان خوڵقاند.سه‌رانی رژیمی ئاخوندی به‌خه‌یاڵی خاویان،به‌ناردنی هێزی بارهاتووی سه‌رکوتگه‌ر و ته‌یار به چه‌کی پێشکه‌وتوو، ،،هێزی گاردی جاویدان،، که پاشماوه‌ی له‌شکری رژیمی دیکتاتۆی پێش دیکتاتۆری تازه به ده‌سه‌ڵات گه‌یشتوو بوو، بۆ شاره‌کانی کوردستان و چاوترساندنی خه‌ڵکی کورد. به‌ڵام بێخه‌به‌ر له‌وه‌ی که جه‌ماوه‌ری خه‌باتگێڕ و هێزی به هێزی پێشمه‌رگه به چه‌کی باوه‌‌ڕ به رزگاری و ئازادیخوازی ته‌یاره و هه‌ر هێزێکی داگیر که‌ر وده‌ستدرێژکه‌ر تێک ده‌شکێنێ و چۆک به‌دژمن داده‌دا و ده‌ی به‌زێنێ. شه‌‌ڕی حه‌ماسی و که‌م وێنه‌ی ١٠ ی خه‌زه‌ڵوه‌ری ساڵی ١٣٥٨ی کۆچی خۆری ،که له هه‌ژده‌دۆڵان له ده کیلومیتری بانه تاسه‌ر پردی شار درێژه‌ی هه‌بوو،ئاکامی قاره‌مانه‌تی و فیداکاری رۆڵه‌کانی گه‌لی کورده که ئه‌وده‌م له ده‌فته‌ری به‌رێز مامۆستا شێخ عیزه‌ددینی حسه‌ینی دا چه‌کی شه‌ره‌فی کوردایه‌تیان له‌شان دابوو و پاشان له ریزه‌کانی سازمانی خه‌بات دا درێژه‌یان به ئه‌رکی خه‌باتگێڕی خۆیان داو به خوێنی ٨که‌س له هاوسه‌نگه‌رانیان تۆماری ته‌مه‌نی ره‌شی هێزی گاردی جاویدانیان بۆ هه‌میشه پێجایه‌وه. سازمانی خه‌بات،ی کوردستانی ئێران بۆ رێز گرتن له‌و فیداکاری حه‌ماسه‌یه‌ی رۆڵه‌کانی کوردستان و زیندو راگرتنی ناو و یادی ئه‌وشه‌هیدانه، ئه‌و رۆژه‌ی وه‌ک رۆژی پێشمه‌رگه‌ی سازمانی خه‌بات دیاری کرد و هه‌موو ساڵیک یادی ئه‌و رۆژه به‌رز ده‌نرخێنێ. لێره‌دا جێی خۆیه‌تی سڵاو و دروود بنێرین بۆ پێشمه‌رگه‌ی کوردستان و هێزی به‌رگری میللی که حه‌ماسه‌ی ١٠ ی خه‌زه‌ڵوریان خوڵقاند. سڵاو له گیانی پاکی ئه‌و شه‌هیدانه‌ی که به خوێنی پاکیان سه‌نه‌دی خۆڕاگری و فیداکاری گه‌ل و شۆڕشیان مۆر کرد.
سه‌رکه‌وێ خه‌باتی ره‌وای گه‌لی کورد، برۆخێ رژیمی ملهوڕی ئاخوندی ئێران. پته‌وبێ یه‌کیه‌تی و هاوکاری خه‌باتگێرانی رێگای رزگاری کورد و کوردستان. کومیته‌ی ناوه‌ندی سازمانی خه‌بات،ی کوردستانی ئێران ١٦ی خه‌زه‌ڵوه‌ری ١٣٨٨ کۆچی خۆری.
دوابه‌دوای په‌یامی کومیته‌ی ناوه‌ندی، خوشکه هێرۆ پارچه شێعرێکی خوێنده‌وه و پاشان په‌یامی سازمان به زمانی سوئێدی له لایهن خوشکه ساوان حسه‌ینی کچی شه‌هیدی فه‌رمانده شه‌هید کاک،، عه‌بدولکه‌ریم حسه‌ینی،، یه‌وه پێشکه‌شکرا که له لایهن به‌شدار بوان به تایبه‌ت میوانه سوئێدیه‌کانه‌وه به‌رز وپر ناوه‌رۆک نرخێندرا. ناوه‌رۆکی په‌یامه‌که بریتی بوو که زه‌رووره‌تی دروست بوونی سازمانی خه‌بات و هه‌ڵبژاردنی رێبازێکی وا که به‌رپه‌رچی ئاکار و کرده‌وه‌کانی رژیمی ئاخوندی بداته‌وه و پروپاگه‌نده ژه‌هراویه‌کانی ئه‌م دام و ده‌زگا دژی مرۆییه له قاو بدا. له بڕگه‌ێکی تری ئه‌و په‌یامه‌دا هه‌وڵ و تێکۆشانه‌کانی سازمان له پێناو دیفاع له ئازادیه کۆمه‌ڵایه‌تی و فه‌رهه‌نگی و سیاسیه‌کانی تاک و کۆمه‌ڵ و هاندانی ژنان بۆ وه‌ده‌ست هێنانی مافه‌کانیان و به‌شداری کردنیان له به‌‌ڕێوه‌به‌ری و په‌روه‌رده‌کردنی کۆمه‌ڵ دا و دابین کردنی مافه‌کانی مرۆڤ له کۆمه‌ڵگایه‌کی دیموکڕاتدا باس کرابوو، لێره‌دا ده‌قی ئه‌و په‌یامه به سوئێدی ده‌خه‌ینه به‌ر دیده‌ی ئێوه‌ی به‌‌ڕێز:
Firandet av Khabats peshmarga dagen & 5y xermanan i Sverige! - Talet
kära vänner
vi vill bÃ۶rja med att välkomna er alla till denna dag dÃ¥ vi firar 5y Xermanan och alla tappra och peshmarga som än idag kämpar fÃ۶r vad partiet Khabat stÃ¥r fÃ۶r.
Khabat grundades den 21 september 1980, i den iranska delen av Kurdistan. Partiets mÃ¥l och avsikt var och än idag är att inledda en politisk och organisatorisk verksamhet mot vÃ¥ld och fÃ۶rtryck. Partiet Khabat har ända sedan dess grundande kämpat fÃ۶r kurdernas rättigheter och har rättvist kämpat fÃ۶r jämställdhet och alla människors lika värde i denna diktator styrda omrÃ¥de. Khabat har och kommer alltid kämpa fÃ۶r kvinnor och barns rättigheter.
Med tanke pÃ¥ att Islam var den stÃ۶rsta religionen bland kurderna sÃ¥ valde Khabat vid sitt grundande att respektera denna religion och hade som mÃ¥l att bekämpa den sÃ¥ kallade islamitiska republiken i Iran. Det var viktigt dÃ¥ fÃ۶r kurder att bekämpa den iranska regimin samt arbeta aktivt mot deras lagar och propaganda mot den kurdiska befolkningen.
Den iranska regimen spred och än idag sprider falsk information och felaktig propaganda mot kurder som kämpar fÃ۶r sina rättigheter och jobbar aktivt mot regimens icke existerande mänskliga rättigheter. Den iranska regimen har alltid kallat oss fÃ۶r laglÃ۶sa och mÃ¥nga gÃ¥nger fÃ۶r spioner Ã¥t västvärlden fÃ۶r att vinna stÃ۶d bland den iranska befolkningen och även andra regimer i näromrÃ¥det som är emot västvärldens politik gentemot omrÃ¥det. Den iranska regimen och dess liktänkande granländer kallade västvärlden fÃ۶r anti-islamitisk och pÃ¥ sÃ¥ sätt fÃ۶rsÃ۶kt dÃ۶lja sanningen om vad kurdiska peshmarga kämpar fÃ۶r vilket har varit och är att kämpa fÃ۶r rättvisa och ett fritt iransk Kurdistan.
I den senaste kongressen kom Khabat fram till ett par nya punkter i partipolitiken fÃ۶r att stärka partiets ställning och ändamÃ¥l som egentligen handlar om frihet och jämlikhet fÃ۶r oss kurder som varit fÃ۶rtryckta i Ã¥rtionden. Detta mycket pÃ¥ grund av fÃ۶rändring och utveckling av världspolitiken.
I dag firar vi en 30 Ã¥rs kamp fÃ۶r frihet i ett omrÃ¥de som varit belastad av mÃ¥nga olika faktorer, sÃ¥ som fÃ۶rtryck, vÃ¥ld, diskriminering och utanfÃ۶rskap.
Denna kamp har lett till att mÃ¥nga partimedlemmar mist livet, en stor del har fÃ¥tt kroppsskador, och mÃ¥nga av oss har skilts frÃ¥n nära och kära, men kampen och drÃ۶mmen om ett fritt Kurdistan gÃ¥r vidare. Khabat tror och hoppas pÃ¥ att en dag alla kurder ska kunna leva fritt och kunna ge vÃ¥ra kommande genrationer en trygg och säker framtid under demokratiska fÃ۶rhÃ¥llanden.
Avslutningsvis vädjar vi till alla demokratiska organisationer att stÃ۶ta oss i vÃ¥r kamp fÃ۶r en självständig och fri Kurdistan.
Ännu en gång vill vi välkomna er alla våra vänner till denna stora dag.
khabat Kommittén i Sverige
دوای په‌یامی سازمان به سوئێدی، په‌یامی حیزبی دیموکراتی کوردستان به‌م بۆنه‌وه له لایهن کاک ،، فه‌ردین قادری ،، یه‌وه پێشکه‌ش کرا که ناوه‌رۆکی په‌یامه‌که‌یان وێڕای پیرۆزبایی ئه‌و دوو بۆنه پیرۆزه، بریتی بوو له پێداگرتن و پێویستی له سه‌ر هاوکاری و هاو هه‌ڵوێستی هێز و لایه‌نه شۆڕشگێره‌کان بۆ درێژه‌دان به خه‌بات و به‌رخودان بۆ به ئاوت و ئامنج گه‌یشتنی جولانه‌وه‌ی ره‌وای کورد له رۆژهه‌لاتی کوردستان، هاوڕێ قادری له درێژه‌ی په‌یامه‌که‌ی دا ئیشاره‌ی به دۆستایه‌تی و هاوکاری سازمانی خه‌بات و حیزبی دیموکرات کردو هیوای خواست که له داهاتوودا ئه‌و دۆستایه‌تی و لێک نێزیکیه زیاتر په‌ره‌ی پێ بدرێ . کاک فه‌ردین به پێشکه‌ش کردنی پارچه هه‌ڵبه‌ستێکی مامۆستا هێمن کۆتایی به په‌یامه‌که‌ی هێنا که له‌لایه‌ن به‌شداربوانه‌وه به چه‌پڵه‌رێزان پێشوازی لێکرا. پاشان هاورێ کاک جه‌لال پارچه په‌خشانێکی خۆی له ژێر ناوی : زه‌نای سۆزی عاشقانه‌یه خه‌رمانان، پێشکه‌ش کرد.
له دوای په‌یامی حیزبی دیموکراتی کوردستان، کاک،، زاگرۆز خوسره‌وی،، ئه‌ندامی کومیته‌ی ناوه‌ندی کۆمه‌له‌ی شۆڕشگێڕی زه‌حمه‌یکێشانی کوردستانی ئێران، په یامێک پێشکه‌ش کرا. کاک خوسره‌و وێرای پیرۆزبایی ئه‌م دوو بۆنه مێژووییه له که‌س و کاری شه‌هیدانی کوردستان به‌تایبه‌ت شه‌هیدانی سازمانی خه‌بات و ده‌ستخۆشی گوتن به به‌رێوه‌به‌رانی ئه‌م رێ و ره‌سمه له درێژه‌ی په‌یامه‌که‌ی دا وتی: سه‌ره‌رای جیاوازی فیکری کۆمه‌ڵه‌و سازمانی خه‌بات دۆست و هاو خه‌بات بوون له پێناو ئازادی و رزگاری گه‌ل و نیشتمانداو به خۆشیه‌وه له‌م دواییانه‌دا ئه‌م دۆستایه‌تی و هاوده‌نگیه به‌ر چاوتره و ئێمه وه‌ک کۆمه‌ڵه به‌شانازیه‌وه به‌م دۆستایه‌تی و هاوکاریه دڵخۆشین و هیوادارین زیاتر په‌ره به‌م هاوکاری و دۆستایه‌تیه بده‌ین . کاک خوسره‌و له وته‌کانی دا ئاماژه‌ی به‌وه‌دا که فیداکاری و دڵسۆزی سازمانی خه‌بات و کادرو پێشمه‌گه‌کانی ، جێگای ریز و پێزانینی هه‌ر که‌س و لایه‌نێکی خه‌باتگێر و کوردپه‌روه‌ر.
دواین به‌شی بڕگه‌ی یه‌که‌می رێ و ره‌سمه‌که، په‌یامی کومیته‌ی سوئێدی سازمانی خه‌بات،ی کوردستانی ئێران بوو که له لایهن هاورێ کاک رێبوار حسه‌ینی یه‌وه پێشکه‌ش کرا. ناو براو به‌م شێوه په‌یامه‌که‌ی ده‌ست پێ کرد:
نوێنه‌رانی هێژای حیزب و لایه‌نه‌کان! میوانانی به‌رێز! دایکان وباوکانی خۆشه‌ویست! خوشکان و براینی ئازیز! خزمانی دڵسۆز! ئه‌ندامان و لایه‌نگرانی فیداکاری سازمانی خه‌بات! که‌س و کاری شه‌هیدانی سه‌ربه‌رز! پڕ به‌دڵ به خێرهاتنتان ده‌که‌ین و خۆمان به به‌خته‌وه ده‌زانین که شانازی ئه‌وه‌مان پێدرا له‌م کۆڕه‌دا له خزمه‌تتاندا بین ، لێره له ده‌وری یه‌کتر کۆبوینه‌وه بۆ رێزگرتن له یاد و بیره‌وه‌ری دامه‌زراندنی سازمانیک، که خاوه‌نی رووباری خوێنی ئه‌و شه‌هیدانه‌یه که ته‌نیا و ته‌نیا بۆ رزگاری نه‌ته‌وه‌یی، خۆ به‌خش بوون و به‌و په‌‌ڕی دلۆڤانی وسه‌خاوه‌ته‌وه تا سه‌ر لوتکه‌ی وه‌فا چوون و خۆیان له پێناو نه‌مری گه‌ل دا کرده قوربانی، که ئه‌ویش سازمانی خه‌باتی کوردستانی ئێرانه. ئه‌و سازمانه‌ی که تا دیت راسته رێ و راست وێژ و به‌راوێژتر ده‌رده‌که‌وێ !. سازمانێک که تا کات و زه‌مان تێده‌په‌‌ڕێ، زیاتر باڵا ده‌کا و به‌روه لوتکه‌ی به‌رزی پێشکه‌وتن و تێگه‌یشتن و دوارۆژ روونتر هه‌ڵده‌گه‌‌ڕێ!. ره‌نگه زۆر پێویست به‌وه نه‌کات که هه‌ر کات ویستمان له سه‌ر پێنجی خه‌رمانان و بیره‌وه‌ریه‌کانی ئه‌م رۆژه مێژووییه بدوێن ، هێندێک ووشه و رسته‌ی چه‌ندین ساڵه دووپاته‌کراوه، دووپات که‌ینه‌وه، وه‌ک ئه‌وه‌ی که له لایهن کێ و له کوێ وچۆن، ئه‌م رۆژه دیاری کرا.به‌ڵکو ئه‌وه‌ی که ئێستا جێگای باسه و قسه‌ی رۆژه و نانی ئه‌مرۆێ له خوانه، شرۆڤه‌بکه‌ین. که ئه‌ویش ئه‌وه‌یه ئه‌و سازمانه‌ی له‌م رۆژه‌دا ده‌مه‌زراوه و ٢٩ساڵ به‌سه‌ر راگه‌یاندن و ئاشکرابوونی دا تێده‌په‌رێ، به‌ره‌و کوێ گاڤ ده‌هاوێژی و چ ره‌ویه و ره‌وتێکی سیاسی شیاوی قۆناغی ئێستای گرتۆته به‌ر و له‌م راستایه‌دا چ قورسایی و سه‌نگێکی بزاڤی رزگاریخوازانه‌ی نه‌ته‌وه‌یی له سه‌ر شانه‌و له پێناو ئاشتی و هاوده‌نگی و لێک نزیک بونه‌وه و هاوهه‌ڵوێستی هێزو لایه‌نه خه‌باتگێر و ره‌سه‌ن و خاوه‌ن ده‌نگه کانی دڵسۆزو به ده‌ربه‌ست له هه‌مبه‌ر چاره‌نووسی نه‌ته‌وه‌که‌ماندا و بۆ خاشه برکردنی هه‌ر چه‌شنه سته‌م و ناره‌واییکی کومه‌ڵایه‌تی و سه‌قامگیرکردنی دیموکراسی و مافی مرۆڤ ، ماندویی نه‌ناسانه له گۆڕێیه و تا چه‌نده به رابردووی خۆیدا چۆته‌وه وخاڵه لاوازه‌کان ده‌بێنێ و به‌وپه‌‌ڕی شه‌هامه‌ت و ئه‌مانه‌تداری و ته‌وزوعه‌وه ، قامک له سه‌ر هه‌ڵه و په‌ڵه‌کانی خۆی ده‌ده‌نێ و بۆ داهاتووێکی پڕ له ده‌ستکه‌وت ونزیک بوونه‌وه له ئاوت و ئامانجی پیرۆزی گه‌ل، خه‌ت و نیشان داده‌نێ و له پێناو گه‌شه و په‌ره‌ی هه‌ست و بیری به نه‌ته‌وه‌یی کردنی بزاڤی ره‌وای کوردی دا، به‌و په‌‌ڕی باوه‌‌ڕ به ئه‌سڵه‌کانی دیموکراسی و مافی به‌رانبه‌ری ژن و پێاو و هاندانی کوران و کچانی گه‌نجی کورد بۆ هاتنه مه‌یدانی تێکۆشان و سه‌رئه‌نجام هه‌وڵدان بۆ دامه‌زراندنی کۆمه‌ڵگایه‌کی کراوه‌ی پێشکه‌وتووی مه‌ده‌نی و شادبوونی تاک و کۆمه‌ڵ به مافه ره‌واکانیان و سڕینه‌وه‌ی ئاسه‌واری هه‌ر چه‌شنه چه‌وساندنه‌وه‌و ماف پێشێلکارێک له ناو چێن و توێژه‌کانی کورده‌واری دا و ریزگرتن له مافی گه‌ل و نه‌ته‌وه‌کانی تر، تێکۆشاوه و قوربانی داوه و به نیازیشه تاسه‌ر له‌م پێناوه‌دا به‌رده‌وام بێت ؟.
چاو خشاندنێک به‌سه‌ر کار و هه‌ڵسووڕان و هه‌ڵوێسته‌کانی سازمانی خه‌بات دا، سه‌باره‌ت به رووداو و پرسه هه‌نووکه‌ییه‌کان، ئه‌و راستیانه ده‌خاته روو که ئه‌م سازمانه، به‌هه‌ست کردن به به‌رپرسیاره‌تی و به هێندگرتنی روودا و کاره‌ساته‌کان له هه‌ر شوێن و کاتێک دا، هه‌ڵسه‌نگاندن و راوێژی کردوه و ژیرانه و بوێرانه هه‌ڵوێستی شیاوی گرتوه. له به‌رانبه‌ر هه‌ر کرده‌وه و پلانێکی دژمنانی کورد و کوردستان دا زۆر شه‌فافانه وبوێرانه، به پیی توان و بۆ کران هه‌ڵوێستی گرتوه و بۆ له قاودانیان به پێی پێویست هه‌ڵسوڕاوه و وتاری داوه و له هاندان و پشتیوانی کردن له هه‌ر جووله و حه‌ره‌که‌تێکی شۆڕشگێرانه‌ی جه‌ماوه‌ری له دژی دژمنانی مرۆڤایه‌تی، به‌تایبه‌ت له دژی رژیمی کۆنه په‌ره‌ستی ئاخوندی له ئێران دا، ده‌وری شیاو و به‌رچاوی گێڕاوه. له‌گه‌یاندنی ده‌نگی نارازی و ره‌وای چین و توێژه‌کانی کۆمه‌ڵانی خه‌ڵکی ئێران به‌گشتی و خه‌ڵکی خه‌باتگێڕ و خۆراگری کوردستان به‌تایبه‌تی، به گوێی حه‌قخوازان وپارێزه‌رانی مافی مرۆڤ و کۆڕ و کۆمه‌ڵه نێونه‌ته‌وه‌ییه‌کان، شێلگیرانه له هه‌وڵ و تێکۆشاندا بوه.
له بواری هاوده‌نگی و هاوکاری و یه‌ک ریزی وهاو هه‌ڵوێستی و لێک نزیک بوونه‌وه له نێوان هێز و لایهنهکانی سه‌ر گۆڕپانی خه‌باتی ره‌وای گه‌له‌که‌مان له رۆژهه‌ڵاتی کوردستان دا، هه‌رده‌م له هه‌وڵ و هه‌ڵسوڕاندابوه و تاراده‌ێک له‌م باره‌وه کاری به‌رچاو و به به‌رهه‌می به‌رێوه‌بردوه که هیوادارین له داهاتوش دا له‌م باره‌وه زیاتر چالاک و به‌رچاوبین و هه‌ستی ده‌ربه‌ست بوون به به‌رژه‌وه‌ندی گشتی نه‌ته‌وه‌یی زیاتر گه‌شه‌بکات و هه‌موولاێک له‌م پێناوه‌دا زیاتر و فیداکارانه‌تر و شه‌فافتر هه‌نگاو هه‌ڵگرین. به‌تایبه‌ت که دژمنی سه‌رکیمان ،، رژیمی کۆماری ئاخوندی،، له هه‌مووکات زیاتر که‌وتۆته ژێر فشاره نێوده‌وڵه‌تیه‌کان و له سۆنگه‌ی شه‌‌ڕی ده‌سه‌لات له نێو خۆی دام و ده‌زگاکانی دا و دژایه‌تی سه‌رسه‌ختی مۆره‌کانی ئه‌م رژیمه له‌گه‌ڵ یه‌کتری گه‌یشتۆته ئه‌وپه‌‌ڕی خۆی، کۆمه‌لانی وه‌زاڵه‌هاتوو به شێوه‌ێکی به‌رچاو و نه‌ترسانه ده‌نگی ناره‌زایه‌تیان به‌رز بۆته‌وه و ته‌لیسمی ترس و خۆف له‌م دام و ده‌زگا خۆێنڕێژه‌یان شکاندوه و ئاماده‌ی قوربانی دانن، باشترین هه‌ل و ده‌رفه‌ته بۆ هه‌رچی زیاتر هاوکاری و لێک نزێکی و هاوخه‌می و کۆده‌نگی لایهنهکانی کوردی له رۆژهه‌ڵاتی کوردستان له لایه‌ک و ئاوڕده‌نه‌وێکی پڕ له هه‌ست و سۆزی شۆرشگێڕی و نیشتمان په‌روه‌ری ، لایهن و ده‌سه‌ڵات و به‌رپرسانی به‌شه‌کانی تری کوردستان، به‌تایبه‌ت به‌شی باشوور، که ماڵی هیوای هه‌موو کورده له کوردستانی پان و به‌رین دا، له لایه‌کی تره‌وه ،له کاتی ئێستا دا له‌هه‌موو کات زیاتر زه‌ق و به‌رچاو و پیویسته!. ئه‌وه‌ی که جێگای دوو دڵی و گومان نییه ئه‌وه‌یه که دام و ده‌زگای سه‌رکوتگه‌ری رژیمی دژی ئینسانی و دیموکراسی (رژیمی) ئاخوندی ئێران کۆتاییه‌کانی ته‌مه‌ن و ده‌سه‌ڵاتی پڕ له تاوان وخوێنرێژه‌کانی خۆی ده‌پێوێ و هه‌موو میعیار و معاده‌لاته جیهانی و ناوچه‌ییه‌کان، چ سیاسی و چ کۆمه‌لایه‌تی هتد، به‌ئاشکرا باس له وه‌رچه‌رخانێکی مێژوویی تر له ناوچه‌که‌دا ده‌که‌ن که به‌رچاوترینیان پێچانه‌وه‌ی تۆماری ده‌سه‌لاتی ئه‌م رژیمه‌یه، هه‌ر بۆیه دڵ خۆش کردنی ده‌رو جیران به‌م ده‌سه‌ڵاته و ده‌مه‌زراندنی پێوه‌ندی بازرگانی و سیاسی و فه‌رهه‌نگی له‌گه‌ڵی دا، ره‌نج به خه‌سار چوونه و په‌شیمانی دوارۆژی له دوایه . ئه‌و ده‌سته و هیز و لایهن و ده‌سه‌ڵات و ده‌وڵه‌تانه که به شێوه‌ێک له شیوه‌کان هاوکاری و هاوده‌نگی ده‌سه‌لاتی خۆێنڕێژی ئاخوندی ئێرانن یان نیاز و پلانه‌کانی ئه‌م دام و ده‌زگایه دێننه‌جێ و به‌رێوه ده‌به‌ن، ده‌بێ دڵنیا بن له‌وه‌ی که مێژوو شه‌رمی له که‌س نییه و ده‌بێ رۆژێک له رۆژان وڵامده‌ری ئه‌و هاو کاری و خۆشخزمه‌تیانه‌یان بن، چونکه به‌راستی هه‌ر جۆره لێک نزیکی و هاوکارێک له گه‌ل ئه‌م رژیم و ده‌سه‌لاته، ده‌چێته خانه‌ی هاوکاری و خزمه‌تکردن به دیکتاتۆری و دژایه‌تی دیموکراسی و ئازادیخوازه‌نه‌وه ! . یه‌کێک له شانازی و حه‌ماسه به‌رچاوه‌کانی ڕۆله‌کانی سازمانی خه‌باتی کوردستانی ئێران، حه‌ماسه‌و فیداکاری رۆژی ١٠ ی خه‌زه‌ڵوه‌ری ساڵی ١٣٥٨ی کۆچی خۆریه. له‌و رۆژه‌دا رۆڵه‌کانی گه‌لی کورد، ئه‌و شۆڕشگێرانه که ئه‌و ده‌م به ناوی پێشمه‌رگه‌کانی ده‌فته‌ری به‌رێز مامۆستا شێخ عیزه‌دینه‌وه ئه‌رکی شۆڕشیان به جێ دێنا و دواتر له ریزه‌کانی سازمانی خه‌بات دا سازمان دران. به‌ره‌نگاری ته‌یارترین هێزی داگیرکه‌ر به‌ناوی گاردی جاویدان بونه‌وه و به پێشکه‌ش کردنی گیانی پاکی ٨که‌س له باشترین رۆڵه‌کانی گه‌ل له هه‌ژهده‌دۆڵان و که‌وپیچی بانه، داستانێکی هه‌رگیز له‌بیر نه‌چوه‌وه‌یان له مێژووی ئه‌م قۆناغه‌ی گه‌له‌که‌مان دا تۆمارکرد . رۆله‌که‌نی گه‌ل پێشمه‌رگه‌کانی کوردستان، بۆ ئه‌ستاندنی تۆڵه‌ی خوینی ئه‌و شه‌هیدانه له ده‌روازه‌ی شاری بانه له‌و هێزه‌ی دژمن ده‌ست هاتن و له ماوه‌ی چه‌ند سه‌عاتێک دا هه‌و هێزه‌ی دژمنیان تفرو توناکرد و ناوی گاردی جاویدانیان له‌ده‌فته‌ری سپای دژمندا بۆ هه‌میشه سڕیه‌وه. سازمانی خه‌باتی کوردستانی ئێران بۆ رێزگرتن له حه‌ماسه‌و فیداکاری پێشمه‌رگه‌ی فیداکاری کورد و هاوسه‌نگه‌ری و هاوپه‌یمانی لایهنهکانی به‌شدار له و فیداکاری و حه‌ماسه‌دا، ئه‌و رۆژه‌ی وه‌ک رۆژی پێشمه‌رگه‌ی سازمانی خه‌بات،ی کورستانی ئێران ناو زه‌د کردوه و هه‌موو ساڵێک له‌و رۆژه‌دا وتاری تایبه‌ت ده‌دا و رێز له‌م یاد و رۆژه‌ده‌گرێ. به‌رزۆ به‌رێز بێ یاد و بیره‌وه‌ی ١٠ ی خه‌زه‌ڵوه‌ر رۆژی پێشمه‌رگه‌ی سازمانی خه‌باتی کوردستانی ئێران .
کومیته‌ی سوئێدی سازمانی خه‌بات ٧ی نوامبیری ٢٠ ٠ ٩ی زایینی.
برگه‌ی دووهه‌می به‌رنامه‌کانی ئه‌م رێ و ره‌سمه بریتی بوو له ئاهه‌نگی گۆرانی و هه‌ڵپه‌‌ڕکێ که به هونه‌رمه‌ندی هونه‌رمه‌ندانی مۆسیقا ژه‌ن و به ده‌نگی خۆش و به‌سۆزی هونه‌رمه‌ندی گه‌نج و ده‌نگ خۆش ،، کاک رێبین عه‌لی شایی هه‌ڵپه‌‌ڕینی گه‌نج و لاوان، به‌تایبه‌ت گه‌نجانی کوردی یاری چیانی تیمی فوتباڵی یونایت که له شاری لێنشۆپینگه‌وه هاتبوون و ده‌عوه‌تی ئاهه‌نگه‌که بوون تا دره‌نگانی شه‌و به‌رده‌وام بوو. دوای کۆتایی هاتنی ئاهه‌نگه‌که به‌شدار بوان وێرای ده‌ربرێنی خۆشحاڵی و ره‌زامه‌ندی زۆر له رێ و ره‌سمه‌که ماڵ ئاواییان لێک خواست و هه‌رکام به‌ره‌و ماڵ و شوێنی ژیانی خۆیان به‌رێ که‌وتن
ده‌سته‌ی به‌رێوه‌به‌ری کومیته‌ی سوئێدی سازمانی خه‌بات،ی کوردستانی ئێران، وێرای پیرۆزبایی دووباره له ئه‌ندامان و لایه‌نگرانی سازمان، پڕ به‌دڵ سپاسی ئه‌و که‌سانه‌ده‌کات که له‌م رێ وره‌سمه‌دا به‌شدار بوون و به شێوه‌یک له شیوه‌کان له به‌‌ڕێوه‌بردنی دا هاوکاریان کردون و تێکۆشاون.
بژی کورد ،ئازاد و ئاوه‌دان بێ کوردستان
کومیته‌ی سوئێدی سازمانی خه‌بات،ی کوردستانی ئێران، ١٧ی خه‌زه‌ڵوه‌ری کۆچی خۆری.