له زیندانى سنه ئیحسان فه‌تاحیان له سێداره درا
به‌ره‌به‌یانى ئه‌مرۆ چوار شه‌ممه ٢٠ ى خه‌زه‌ڵوه‌رى ١٣٨٨ ئیحسان فه‌تاحیان زیندانى سیاسى کورد له سێداره درا.
ئیحسان فه‌تاحیان که ٢٧ ساڵى ته‌مه‌نى بوو،
ساڵى رابردوودا له‌لایه‌ن هێزه ئه‌منیه‌تیه‌کانى رژیمى ئاخوندیه‌وه له شارى کامیاران گیرا و به تۆمه‌تى تێکدانى ئاسایشى نه‌ته‌وه‌ى، له‌لایه‌ن بابایی سه‌رۆکى لقى یه‌کى دادگاى رژیم له سنه به ١٥ ساڵ زیندان و دوور خستنه‌وه بۆ رامهرمز مه‌حکوم کرا، له‌لایه‌ن دادگاى پێداچوونه‌وه‌ى رژیمه‌وه حوکمه‌که‌ى له ١٥ ساڵ زیندان و دوور خرانه‌وه، گۆر٠ا به له سێداره‌دان.
شایانى باسه زۆربه‌ى ناوه‌ند و رێکخراوه مرۆڤ دۆسته‌کان حوکمى ئێعدامى ئیحسان فه‌تاحیان یان مه‌حکوم کردبوو و داوایان له به‌رپرسانى رژیم کرد بوو که ئه‌و حوکمه به‌رێوه نه‌چێ، به‌لام به پێچه‌وانه‌ى هه‌موو رێ و شوێنه مرۆییه‌کان به‌رپرسانى جه‌لادى رژیم ئه‌و حوکمه‌یان به‌رێوه‌برد.
