ئوباما ئابڵوقپه‌کانى سه‌ر رژیمى بۆ ساڵێکى دیکه درێژ کرده‌وه
رۆژى پێنج شه‌ممه ٢١ى خه‌زه‌ڵوه‌رى ١٣٨٨، کۆشکى سپى رایگه‌یاند: باراک ئوباما سه‌رۆک کۆمارى ئه‌مریکا ئابڵوقه‌ى ئابوورى سی ساڵه‌ى بۆ سه‌ر رژیمى ئێران نوێ کرده‌وه.
سه‌پاندنى ئابڵوقه‌ى ئابوورى دژ به رژیمى ئێران، له دواى به بارمته گرتنى کارمه‌ندانى سه‌فاره‌تى ئه‌مریکا له مانگى نوامبرى ١٩٧٩ و له کاتى سه‌رۆکایه‌تى جیمى کارتێر ده‌ستى پێ کرد. سه‌رۆکه‌کانى ئه‌مریکا له‌و ده‌مرا تا ئێستا هه‌موو ساڵێک ئه‌و ئابڵوقانه نوێ ده‌که‌نه‌وه.
به پێى ئه‌و ئابڵوقانه ته‌واوى داراییه‌کانى رژیمى ئێران له ئه‌مریکا ده‌ستى به سه‌ردا گیرا و سات و سه‌وداى شیرکه‌ته ئه‌مریکاییه‌کان له‌گه‌ڵ رژیم قه‌ده‌غه کرا.
کۆشکى سپى رۆژى پێنج شه‌ممه رایگه‌یاند: باراک ئوباما له نامه‌یێک دا بۆ کونگره‌ى ئه‌مریکا نوسیوویه‌تى: پێوه‌ندیه‌کانى ئێمه له‌گه‌ڵ ئێران ئاسایی نه‌بۆته‌وه و ئابڵوقه‌کان بۆ ساڵێکى دیکه نوێ ده‌کرێته‌وه.
