رژیم پێش نوێژى کاتى زاهیدانى گرت
مولوى عبدالغنى شه به‌خش، پێش نوێژى کاتى سووننى له زاهیدان و یه‌کێک له ئوستادانى حه‌وزه‌ى علمیه‌ى سوننى له‌و شاره له‌لایه‌ن دادگاى تایبه‌ت به رۆحانیه‌تى مه‌شهه‌ده‌وه گیرا که پێش نوێژى سوننى شارى خاش تا ئێستاش له به‌ندیخانه‌دایه.
مولوى عبدالمجید مرادزهى ئوستادى حه‌وزه‌ى علمیه‌ى دارالعلومى زاهیدان به بی بی سی گووتووه که به‌رێز شه بخش دوو حه‌وتوو پێش ئێستا بۆ دادگاى رۆحانیه‌ت بانگکرا و به دانى زه‌مانه‌ت ئازاد بوو، به‌لام رۆژى پێنج شه‌ممه ٢١ى خه‌زه‌ڵوه‌ر له مه‌شهه‌د گیرا.
به گووته‌ى ناوبراو گیرانى شه بخش و فشاره‌کان بۆ سه‌ر ژماره‌یێکى دیکه له مامۆستایانى ئایینى سوننى به هۆى خۆراگریان له به‌رانبه‌ر به‌رێوه‌بردنى به‌رنامه‌ى ناسراو به \"رێکخستنى حه‌وزه‌کانى علمیه‌ى سوننى\" بووه.
مرادزهى ده‌ڵێ: ئه‌و به‌رنامه‌یه یه‌ک ساڵ له‌وه به‌ر له‌لایه‌ن نوێنه‌رانى وه‌لى فه‌قیه له ناوچه سوننیه‌کان به شۆراى به‌رزى ئینقلابى فه‌رهه‌نگى پێشنیار کرا و له‌و شۆرایه‌دا په‌سه‌ند کرا.
به گووته‌ى ناوبراو ئه‌و به‌رنامه له ئه‌ساسدا \"ده‌ست به سه‌ردا گرتنى حه‌وزه علمیه‌کانى سونیه\" و سه‌ربه‌خۆیی و ئازادى ئه‌و حه‌وزانه له ناو ده‌با.
