به‌رێوه‌چوونى کونفرانسی به‌رایی کنگره‌ى چواره‌مى سازمان له‌سلێمانى
دوانیوه‌رۆى هه‌ێنى رێکه‌وتى ٢٩ى خه‌زه‌ڵوه‌رى ساڵى ١٣٨٨ى کۆچى خۆرى له‌بنکه‌ى نوێنه‌رایه‌تى سازمان له‌شارى سلێمانى کونفرانسی به‌رایی بۆ ئه‌ندامانى سازمان
دانیشتووى شارى سلێمانى و ده‌وروبه‌رى بۆ کونگره‌ى چواره‌م به‌رێوه‌چوو.
سه‌ره‌تاى کونفراس به فاتیحایێک و ده‌قیقه‌یێک وێستان بۆ روحى پاکى شه‌هیدان ده‌ستى پێکرد. پاشان سرودێک پێش که‌ش کراو و دواى ئه‌وه به‌رێز سه‌یید کامیلى نورانى فه‌رد ئه‌ندامى کومیته‌ى ناوه‌ندى و به‌رپرسی نوێنه‌رایه‌تى سلێمانى سازمان به گه‌رمى به‌خێرهاتنى ئه‌ندامانى سازمانى له پارێزگاى سلێمانى کرد. کونفرانسه‌که به باس و شرۆڤه‌یێکى تێر و ته‌سه‌لى به‌رێز کاک بیهروز ئه‌رده‌لان ئه‌ندامى کومیته‌ى ناوه‌ندى سازمان له‌سه‌ر هه‌ل و مه‌رجى جیهانى و ناوچه‌یی و هه‌روه‌ها ئێران و کوردستان و سازمانى خه‌بات و کونگره‌کانى درێژه‌ى کێشا. له‌ژێر تیشکى ئه‌و باسه دا مشتومر٠ و لێدوانى ئه‌ندامانى ئاماده‌بووى کونفرانس ده‌ستى پێکرد. بۆچوون و ووته‌کانى ئاماده‌بووانى کونفرانس به‌رده‌وام بوو، پاش نان خواردن کونفرانس به نه‌زه‌رات و بیروبۆچوونى ئاماده‌بووان ده‌ستى به‌کاره‌کانى کرده‌وه. له‌دواى کۆتایی هاتن به سه‌ره‌نج و تێبینیه‌کان و کۆکردنه‌وه‌ى سه‌رجه‌م پێشنیار و روانگه‌ى ئه‌ندامان بر٠گه‌ى کۆتایی کارى کونفرانس که پرۆسه‌ى هه‌ڵبژاردنى ئه‌ندامى کونگره‌ى چواره‌م بوو ده‌ستى پێکرد و ژماره‌یێک له ئه‌ندامان خۆیان پالاوت. ده‌نگدان به شێوه‌ى نهێنى ده‌ستى پێکرد و ٥ که‌س له‌ئه‌ندامان له‌سه‌رجه‌م شاره‌کانى پارێزگاى سلێمانى کوردستانى عێراق بۆ کونگره‌ى چواره‌مى سازمان هه‌ڵبژاردران. کونفرانس ساعه‌ت ٣٠ /٨ ده‌قیقه‌ى شه‌و کۆتایی به‌کاره‌کانى هێنا.
