راگه‌یاندنى سازمانى خه‌بات به‌بۆنه‌ى ١٦ى سه‌رماوه‌ز رۆژى دانشجۆ
به‌بۆنه‌ى ١٦ى سه‌رماوه‌ز رۆژى دانشجوو گه‌رمترین پیرۆزبایی به‌خوێندکاران و دانشجۆیانى تێکۆشه‌ر و شۆرشگێر٠ پێشکه‌ش ده‌که‌ین.
له کاتێکدا که له یادى دانشجۆ نزیک ده‌بینه‌وه له ئێراندا، خوێندکاران و دانشجۆیانى تێکۆشه‌ر و شۆرشگێر، له ژێر قورسترین ئازار و هه‌ر٠ه‌شه و شکه‌نجه‌ى ناوه‌نده سه‌رکوتگه‌ره‌کانى ده‌سه‌لاتدارى ئاخوندیدان.
له ماوه‌ى ٣٠ ساڵ ده‌سه‌لاتى رژیمى ئاخونده‌کان، سه‌دان دانشجۆى شۆرشگێر٠، گیراوون و که‌وتوونه به‌ر در٠ندانه‌ترین شکه‌نجه و ده‌یان دانشجۆ به حوکمى نار٠ه‌وا ئێعدام کراوون. له به‌رانبه‌ر ئه‌و سته‌مه بێ سنووره‌ى کاربه‌ده‌ستاندا، به‌خۆشیه‌وه، شاهیدى فیداکارى و تێکۆشانى به‌رده‌وامى دانشجۆکان و بزوتنه‌وه‌ى خوێندکارى له سه‌رانسه‌رى ئێرانداین. ر٠اپه‌ر٠ین و نار٠ه‌زایه‌تیه که‌م وێنه‌کانى دواى شانۆى هه‌ڵبژاردنى ده‌وره‌ى ده‌یه‌مى سه‌رۆک کۆمارى رژیم له شاره جیاجیاکانى ئێران، ده‌رخه‌رى ئه‌و راستیه‌ن که خوێندکاران و بزوتنه‌وه ره‌واکه‌یان، مل به داواکانى رژیم ناده‌ن و قورسترین فشاره‌کان کار ناکاته سه‌ر وره‌ى پۆلایینیان.
قاره‌مانى و چالاکى به‌رده‌وامى خوێندکاران و دانشجۆیانى به‌هه‌ستى ئێران له به‌رانبه‌ر حاکمیه‌تى ره‌شى ئاخونده‌کان واى کردوه، ده‌سه‌لاتدارانى رژیم جیاواز له سه‌رکوت و چه‌وسانه‌وه په‌نا بۆ رێگه‌ى دیکه به‌رن بۆ که‌م هێزکردنى بزوتنه‌وه‌ى خوێندکارى. ناوه‌نده ئه‌منیه‌تیه‌کان و هێزه‌کانى حه‌راسه‌تى زانستگاکان و ژماره‌یێک له به‌ناو ئوستادانى زانستگا که له خزمه‌ت ده‌سه‌لاتداران و چاو له جێگه و شوێن و ئه‌رکى پیرۆزیان ناکه‌ن، له هه‌وڵى به‌رده‌وامدان تا به وه‌رێ خستنى کۆر٠ و کۆبوونه‌وه‌ى جیاجیا و وه‌رێ خستنى سه‌فه‌رى چه‌ند رۆژه و هه‌روه‌ها به‌ڵێندان به هاوکارى ماددى و چه‌ندین پیلانى قێزه‌ونانه، چۆک به دانشجۆیانى تێکۆشه‌ر و بزوتنه‌وه سیاسیه‌که‌یان دا بده‌ن، که به خۆشیه‌وه هیچ کام له‌و فێڵ و پیلانانه‌ى رژیم و کار به ده‌ستانى، ئاکامێکى نه‌بووه‌و، له به‌رانبه‌ردا، هه‌ستى شۆرشگێر٠انه‌ى خوێندکارانى به‌ره‌و سه‌ر بردوه.
بێگوومان ده‌سه‌لاتدارانى رژیم له هه‌وڵه‌کانیان بۆ کزکردنى چراى روناکبیرى و تێکۆشانى شۆرشگێر٠انه‌ى بزوتنه‌وه‌ى خوێندکارى به‌رده‌وام ده‌بن، به‌لام ئه‌وه روونه که هیچ کات هه‌وڵه‌کانیان ناگاته مه‌به‌ست و ئاخوندان سه‌رکه‌وتوو نابن.
جێگه‌ى خۆیه‌تى خوێندکارانى تێکۆشه‌رى کوردستان و ئێران، به هه‌ست کردنى زیاتر و بر٠یارى لێبر٠اوانه‌تر له به‌رانبه‌ر پیلانه‌کانى رژیمى مرۆڤ کوژ و دژ به پێشکه‌وتن و دژ به زانستخوازى، راوه‌ستن.
ئاشکرایه ئاخونده‌کان هه‌وڵ ده‌ده‌ن رێگه بگرن له به‌رێوه‌چوونى رێ و ره‌سمى رۆژى خوێندکارى له زانستگاکانى سه‌رانسه‌رى ئێراندا، هه‌ر به‌و مه‌به‌سته‌ش که‌وتوونه‌ته خه‌ت و نیشان کێشان و هه‌ر٠ه‌شه‌کردن له خوێندکاران. بێ گوومان خوێندکارانى نیشتمان په‌روه‌ر و دڵسۆز تێکر٠اى هه‌وڵه‌کانى رژیمى ئاخوندى و ناوه‌نده سه‌رکوتگه‌ره‌کانى پووچه‌ڵ ده‌که‌نه‌وه و، له ١٦ى ئازه‌رى ئه‌مساڵ به‌رچاوتر له سالانى ر٠ابردوو کار و چالاکیه‌کانیان به‌رفراوان ده‌که‌ن.
سازمانى خه‌بات ى کوردستانى ئێران له‌گه‌ڵ دووپات کردنه‌وه‌ى پشتیوانى به‌رینى خۆى بۆ بزوتنه‌وه‌ى خوێندکارى شۆرشگێر٠انه داواکاره خوێندکارانى ئازیز ژیرانه و بوێرانه‌تر بێنه مه‌یدان و هه‌وڵ بده‌ن یه‌کگرتووانه‌تر و به یه‌کده‌نگى رۆژى خوێندکارى به‌رز و به‌رێز بگرن و له‌و رۆژه‌دا نار٠ه‌زایه‌تیه‌کانیان له زانستگاکان بۆ شه‌قامه‌کانى شاره‌کان بگوازنه‌وه. پێویسته خوێندکاران تێکر٠اى زانستگاکانى ئێران، پێوه‌ندیه‌کانیان تۆکمه و توند و تۆڵ بکه‌ن و به‌رنامه‌ى نار٠ه‌زایه‌تیه‌کانیان له به‌رانبه‌ر حاکمیه‌تى ره‌شى ویلایه‌تى فه‌قیه به‌رێوه‌به‌رن.
به‌و هومێده‌ى سه‌رکه‌وتنى بزوتنه‌وه‌ى ئازادیخوازى خه‌ڵکى ئێران و بزوتنه‌وه‌ى شۆرشگێر٠انه‌ى خوێندکارى به‌ره‌و سه‌رکه‌وتن و پێشکه‌وتن به‌رچاوبچن.
پیرۆز بێ ١٦ى سه‌رماوه‌ز رۆژى دانشجوو
سازمانى خه‌بات ى کوردستانى ئێران
کۆمیته‌ى ناوه‌ندى
