ریگه‌گرتن له چوونى ده‌رمان و خوارده‌مه‌نى بۆ شارى ئه‌شره‌ف کرده‌وه‌ییکى ناره‌وایه
له رۆژانى سه‌ره‌تای مانگى سه‌رماوه‌زوه هێزه‌کانى حکومه‌تى عێراق ریگه‌یان گرتوه له چوونى که‌ل و په‌ل و ده‌واو ده‌رمان و خزمه‌تگوزاره پزشکیه‌کان بۆ شارى ئه‌شره‌ف که ئه‌ندامانى سازمانى موجاهیدین خه‌لقى ئێرانى لى جیگیره.
ئه‌و کرده‌وه ناره‌وایه‌ى هێزه‌کانى حکومه‌تى عێراق بیچه‌وانه‌ى قانوونه نیوده‌وڵه‌تیه‌کان و پاشیل کردنى ئاشکراى مافه ئینسانیه‌کان و هه‌روه‌ها پاشیل کردنى مافى ئاواره و په‌نابه‌رانه.
سازمانى خه‌بات ى کوردستانى ئێران ئه‌م کرده‌وه نویه‌ى هێزه‌کانى حکومه‌تى عێراق به‌رانبه‌ر دانیشتوانى شارى ئه‌شره‌ف مه‌حکوم ده‌کا و داوا له ناوه‌نده جیهانیه‌کانى پاریزه‌رى مافى مرۆڤـ و هێزه‌کانى هاوپه‌یمانان و رێکخراوى نه‌ته‌وه‌یه‌کگرتوه‌کان ده‌کا، به په‌له کار بکه‌ن بۆ ئه‌وه‌ى پاشیلکاریه‌کان له به‌رانبه‌ر دانیشتوانى شارى ئه‌شره‌ف کۆتایى پا با و هه‌روه‌ها ئه‌منیه‌تى گیانى و سیاسى دانیشتوانى شارى ئه‌شره‌ف بپارێزرا.
سازمانى خه‌بات ى کوردستانى ئێران
١٠ ى سه‌رماوه‌زى ١٣٨٨
