کاره‌کانى پلینۆم به‌ده‌قیقه‌یێک وه‌ستان بۆ شادکردنى روحى شه‌هیدان ده‌ستى پێکرد. پاشان ئه‌ندامانى پلنیۆم له‌سه‌ر هه‌ڵبژاردنه‌وه‌ى کاک بابه‌شێخ حوسێنى بۆ پۆستى سکرتێرى گشتى بۆ ماوه‌ى ٤ ساڵى داهاتو پێیان داگرته‌وه. له‌دواى ئه‌وه سکرتێرى گشتى له‌پێوه‌ند به بارودۆخى ئێستا و داهاتووى سازمانى خه‌بات و کوردستان و ئێران و هه‌روه‌ها هه‌ل و مه‌رجى هه‌ستیارى ناوچه‌که و موعادلاتى جیهانى باسێکى تێر و ته‌سلى پێش که‌ش کرد و به‌رنامه‌ى کار و چالاکى رێبه‌رایه‌تى خسته به‌رباس.
پاشان پلنیۆم له‌ژێر رۆشنایی ووته‌کانى سکرتێرى گشتیدا، لایه‌نه‌کانى کاریی و پرۆگرامى داهاتووى ئورووپا و ئه‌مریکاى هه‌ڵسه‌نگاند و بر٠یارى دا چه‌ند کومیته‌ى دیکه دابمه‌زرێنێ و له‌و به‌شه‌دا هه‌وڵ و تێکۆشان چر٠تر بکرێته‌وه و هه‌موو کومیته‌کان له‌ژێر چاودێرى کومیته‌ى ئورووپاى سازمانى خه‌بات ى کوردستانى ئێران که پێک دێت له‌دوو ئه‌ندامى کومیته‌ى ناوه‌ندى و جێگرێک کار بکه‌ن.
کومیسیونه‌کانى ماڵى و کۆمه‌لایه‌تى و سیاسی نیزامى و راگه‌یاندن و کومیته‌ى ئافره‌تان و پێوه‌ندییه‌کان، به‌رپرسیان بۆ دیارى کرا. له‌پێوه‌ند به‌کارى کومیسیونه‌کان، به‌رنامه و په‌یره‌وى نوێ خرایه ده‌ستوورى کاره‌وه و به‌ئه‌نجام گه‌یاندنى به‌رنامه‌کانى کونگره‌ى سێهه‌م، پێداگرى له‌سه‌ر کرده‌وه.
پلنێوم راسپارده و پرۆگرامه‌کانى داهاتووى به بایه‌خ وه‌سف کرد و له‌سه‌ر جێ به جێ کردنى خاڵ به خاڵى په‌سه‌ندکراوه‌کان پێداگرى کرد.
له‌کۆتایی پلنیۆمى یه‌که‌مى کومیته‌ى ناوه‌ندى هه‌ڵبژێردراوى کونگره‌ى چواره‌مى سازمانى خه‌بات ى کوردستانى ئێران به‌ڵێن به که‌س وکارى شه‌هیدان درایه‌وه که تاسه‌رکه‌وتنى یه‌کجاریی درێژه‌ده‌رى ر٠ێگاى ر٠ۆڵه‌کانیان بن وله پێناو ئازادى و به‌خته‌وه‌رى خه‌ڵکى کوردستان دا هه‌موو هه‌وڵه‌کانیان سه‌ریه‌ک بخه‌ن.
کومیته‌ى ناوه‌ندى
سازمانى خه‌بات ى کوردستانى ئێران
٣٠ /٩/١٣٨٨
