دوو زیندانى کورد له سنه چاوپێکه‌وتنیان لێ قه‌ده‌غه کرا
دوو زیندانى کورد که خه‌ڵکى لون ساداتى کامیارانن به فه‌رمانى یه‌کێک له به‌رپرسانى قه‌زایی رژیم له‌و شاره چاوپێکه‌وتنیان لێ قه‌ده‌غه کراوه.
به پێى هه‌واڵى هه‌واڵده‌رى موکوریان، ئه‌نوه‌ر ره‌حمانى کور٠ى فارس و ئه‌نوه‌ر ره‌حمانى کور٠ى حسین نزیک به سێ مانگ له‌وه‌به‌ر له‌لایه‌ن هێزه ئه‌منیه‌تیه‌کانه‌وه گیراون و ماوه‌یێک له گرتووخانه‌ى تاکه‌که‌سى دا بوون به فه‌رمانى یه‌کێک له به‌رپرسانى قه‌زایی رژیم له کامیاران چاوپێکه‌وتنیان لێ قه‌ده‌غه کراوه.
هۆى ده‌رکردنى ئه‌و فه‌رمانه به ته‌واو نه‌بوونى په‌روه‌نده‌ى ئه‌و که‌سانه ناوبراوه.
جێگه‌ى بیر هێنانه‌وه‌یه که ئه‌و دوو زیندانیه کورده به هاوکارى له‌گه‌ڵ هێزه نه‌یاره‌کانى رژیم تۆمه‌تبار کراون و ئێستا له گرتووخانه‌ى سنه‌دان.
