گیانى ١٧ زیندانى سیاسى کورد، له مه‌ترسى ئێعدام دایه
به پێى هه‌واڵ گیانى ١٧ زیندانى سیاسى کورد له مه‌ترسى ئێعدام دایه. له دواى نار٠ه‌زایه‌تیه‌کانى ئه‌م دواییه‌ى خه‌ڵک، په‌ره‌سه‌ندنى چاوه‌روان نه‌کراو و ره‌وتى به‌ره‌و سه‌رچوونى حوکمى ئێعدام
بۆ تۆمه‌تبارانى سیاسى و هه‌روه‌ها به‌رێوه‌چوونى حوکمى ئێعدامى دوو زیندانى سیاسى کورد به ناوه‌کانى ئیحسان فه‌تاحیان و فه‌سیح یاسه‌مینى هه‌ل و مه‌رجێکى گووماناوى سه‌باره‌ت به ئێعدامى پاشماوه‌ى زیندانیانى سیاسى کورد هێناوه‌ته ئاراوه.
١٧ زیندانى دیکه به ناوه‌کانى \" زێنه‌ب جه‌لالیان، حه‌بیبولا له‌تیفى، شێرکۆ معارفى، فه‌رهاد وه‌کیلى، فه‌رزاد که‌مانگه‌ر، عه‌لى حه‌یده‌ریان، حوسێن خزرى، ره‌شید ئاخکه‌ندى، محه‌ممه‌د ئه‌مین ئاگووشى، ئه‌حمه‌د پوولاد خانى، سه‌ید سامى حوسێنى، سه‌ید جه‌مال محه‌ممه‌دى، رۆسته‌م ئه‌رکیا، مسته‌فا سه‌لیمى، ئه‌نوه‌ر رۆسته‌مى، حه‌سه‌ن تالعى و ئیره‌ج موحه‌ممه‌دى\" سزاى ئێعدامیان به سه‌ردا سه‌پاوه و له مه‌ترسى به‌رێوه‌بردنى ئه‌و حوکمه‌دان.
