ماڵى ئازادى: ئازادیه‌کان له ئێران چوار ساڵه که‌متر ده‌بێته‌وه
رۆژى سێ شه‌ممه ٢٢ى به‌فرانبارى ١٣٨٨، رێکخراوى پارێزه‌رى دیموکراسى (ماڵى ئازادى) له راپۆرتی سالانه‌ى خۆیدا رایگه‌یاند که سه‌رکوتى نار٠ازیان له رووداوه‌کانى دواى هه‌ڵبژاردنى
سه‌رۆک کۆمارى له ئێران ده‌رخه‌رى ئه‌وه‌یه که ئازادیه سیاسیه‌کان له‌و وه‌لاته بۆ چواره‌م ساڵه به‌ره‌و لاوازى ده‌چێ.
له‌و راپۆرته‌دا هه‌روه‌ها هاتووه که رۆژهه‌لاتى ناوه‌راست هه‌روا وه‌ک ناوچه‌یێک که زۆرترین سه‌رکوتى تێدا به‌رێوه‌ده‌چێ، حیساب ده‌کرێ. ئه‌و رێکخراوه له راپۆرتى سالانه‌ى خۆیدا له سه‌ر هه‌ل و مه‌رجى ئازادیه‌کانى سیاسى و مه‌ده‌نى له ١٩٤ وه‌لات و ناوچه لێکۆڵینه‌وه‌ى کردوه.
به پێى راپۆرتى ماڵى ئازادى، ٨٩ وه‌لات که ٤٦ له‌سه‌دى خه‌ڵکى جیهان پێک دێنن له ئازادیدان و ٥٨ وه‌لات که ٢٠ له‌سه‌دى خه‌ڵکى جیهان پێک دێنن ئازادی مام ناوه‌ندیان هه‌یه. هه‌روه‌ها ٤٧ وه‌لاتیش که ٣٤ له‌سه‌دى خه‌ڵک جیهان پێک دێنن به وه‌لاتانى نا ئازاد چاویان لێ ده‌کرێ.
ئه‌و راپۆرته ته‌ئیدى کردوه که هه‌ڵسووکه‌وتى رژیمى ئێران له به‌رانبه‌ر نار٠ازیان له ساڵى رابردوودا کاردانه‌وه‌ى هه‌بوو له سه‌ر جیهانیان.
