ده‌رکردنى حوکمى ئێعدام بۆ دوور زیندانى سیاسی کورد
که‌مپه‌ینى دیفاع له زیندانیانى سیاسى و مه‌ده‌نى رایگه‌یاند، دوو زیندانى سیاسى کورد به ناوه‌کانى محه‌ممه‌د ئه‌مین عه‌بدولاهى کور٠ى ئیسماعیل و قادر محه‌ممه‌دزاده کور٠ى باییز خه‌ڵکى میراواى بۆکان له دادگاى پێداچوونه‌وه‌ى ورمێ حوکمى ئێعدامیان به سه‌ردا سه‌پا.
ئه‌و دوو که‌سه له میراواى شارى بۆکان به تۆمه‌تى هاوکارى له‌گه‌ڵ هێزه کوردستانیه‌کانى ئۆپۆزسیۆنى رژیم گیران و دران به ئیتلاعاتى ئه‌و شاره و له دواى ماوه‌یێک گوازرانه‌وه بۆ گرتووخانه‌ى ناوه‌ندى ورمێ.
محه‌ممه‌د ئه‌مین عه‌بدولاهى ٢٥ ساڵیه‌تى و له یه‌که‌م دادگایی دا به ٢٠ ساڵ زیندان مه‌حکوم بوو به‌لام دوایی له‌لایه‌ن لقى دووى دادگاى پێداچوونه‌وه‌ى شارى ورمێ له رێکه‌وتى ٢٦ى به‌فرانبارى ١٣٨٨ به تۆمه‌تى دژایه‌تى ئاسایشى نه‌ته‌وه‌یی و محاربه له‌گه‌ڵ خودا ئێعدامى به سه‌ردا سه‌پا. هه‌روه‌ها قادر محه‌ممه‌د زاده‌ى ٣٢ سالان له دادگاى یه‌که‌م به ٣٢ ساڵ زیندان مه‌حکوم بوو به‌لام له دادگاى پێداچوونه‌وه به تۆمه‌تى دژایه‌تى ئاسایشى نه‌ته‌وه‌یی و محاربه له‌گه‌ڵ خودا حوکمى ئێعدامى به سه‌ردا سه‌پا.
شایانى باسه له کاتى گرتن و لێکۆڵینه‌وه له ئیتلاعاتى رژیم دا به توندترین شێوه شکه‌نجه دراون.
