وه‌زیرى ده‌ره‌وه‌ى روسیه: ناکرێ بۆ هه‌میشه چاوه‌رێى ئێران بین
وه‌زیرى ده‌ره‌وه روسیه گوتى سه‌باره‌ت به پێشنهادى گۆر٠ینه‌وه‌ى ئورانیۆم له‌گه‌ڵ سووته‌مه‌نى ناوکه‌یی له‌لایه‌ن ئێرانه‌وه "دڵسارد"ه، هه‌روه‌ها گوتوویه‌تى ناکرێ بۆ چاره‌سه‌رى مه‌سه‌له‌ى ناوکه‌یی بۆ هه‌میشه چاوه‌رێ بین.
به پێى راپۆرتى هه‌واڵده‌رى فه‌رانسه سێرگه‌ى لاوروف وه‌زیرى ده‌ره‌وه‌ى روسیه که بۆ به‌شدارى له کونفرانسى ئه‌فغانستان له له‌ندنه، رۆژى چوارشه‌ممه ٧ى رێبه‌ندان له دیدارى له‌گه‌ڵ هیلارى کلینتۆن هاوتا ئه‌مریکاییه‌که‌ى، له قسه‌گه‌لێک دا سه‌باره‌ت هه‌وڵه‌کان بۆ چاره‌سه‌رى مه‌سه‌له‌ى ناوکه‌یی رژیمى ئێران گوتى: روونه که ناکرێ بۆ هه‌میشه خۆراگرین.
ناوبراو که له‌گه‌ڵ ته‌له‌فزیونى ده‌وڵه‌تى روسیه قسه‌ى ده‌کرد به ئیشاره به پێشنیارى زلهێزه‌کان به رژیم سه‌باره‌ت به گۆر٠ینه‌وه‌ى ئورانیۆمى پالاوته‌کراو له‌گه‌ڵ سووته‌مه‌نى پێویست بۆ رئاکتۆرى لێکۆڵینه‌وه‌کان زیادى کرد: له‌وه‌ى که ئێران کاردانه‌وه‌یێکى باشى له به‌رانبه‌ر ئه‌و پێشنهاده نه‌بووه، دڵسارد بووینه‌وه.
