کلینتۆن ده‌ڵێ بۆ ئابڵوقه خستنه سه‌ر رژیمى ئێران فشار ده‌خرێته سه‌ر چین
هیلارى کلینتۆن وه‌زیرى ده‌ره‌وه‌ى ئه‌مریکا له قسه‌گه‌لێکدا ووریایی به چین دا که ئه‌گه‌ر پشتیوانى له ئابڵوقه‌کان دژ به رژیمى ئێران نه‌کا له‌لایه‌ن وه‌لاتانى رۆژئاواوه فشارى ده‌خرێته سه‌ر.
ناوبراو که له کۆلیژى ئه‌کول قسه‌ى ده‌کرد، گووتى: چین ده‌که‌وێته ژێر فشارى زۆره‌وه تا کاردانه‌وه‌ى خراپى ئێرانێکى ئه‌تۆمى بۆ که‌نداوى فارس قه‌بوول بکا.
ئه‌و ووریاییه له کاتێکدایه که چین له ئاخرین کۆبوونه‌وه‌ى ئه‌نجومه‌نى ئاسایشى نه‌ته‌وه یه‌کگرتووه‌کان دژایه‌تى سه‌پاندنى ئابڵوقه‌ى بۆ سه‌ر رژیمى ئاخوندى کرد. به‌لام وه‌زیرى ده‌ره‌وه‌ى ئه‌مریکا رۆژى هه‌ینى ٩ى رێبه‌ندان گووتى که ده‌بێ هه‌موو ئه‌ندامانى ئه‌نجومه‌نى ئاسایش به‌ره‌و ئابڵوقه‌دانى رژیمى ئێران بچن.
ناوبراو له به‌شێکى دیکه له قسه‌کانى گووتى پکه‌ن ده‌بێ کاردانه‌وه‌ى درێژماوه‌ى به‌رنامه‌ى ناوکه‌یی رژیمى ئێران بۆ ئاسایشى ناوچه‌که له به‌رچاو بگرێ.
