هه‌ل و مه‌رجى جه‌سته‌یی زیندانیانى سیاسى له گرتووخانه‌ى ئه‌وین له خراپی دایه
به پێى هه‌واڵه‌کان وه‌زعى جه‌سته‌یی زیندانى سیاسى مه‌هدیه گولر٠وو خراپه و گیانى له مه‌ترسى جیددى دایه.
مه‌هدیه گوڵر٠وو له دیدار له‌گه‌ڵ خانه‌واده‌که‌ى ووتوویه زیاتر
له ١٠ رۆژه تووشى عفونه‌تى ریخۆڵه بووه به‌لام به‌هۆى نه‌بوونى ده‌رمان و بێ بایه‌خى به‌رپرسانى زیندان، نه‌خۆشیه‌که‌ى رۆژ له دواى رۆژ خراپتر ده‌بێ.
ناوبراو له‌و دیداره‌دا له‌گه‌ڵ ته‌ئکید له سه‌ر خراپى هه‌ل و مه‌رجى به‌ندى ٢٠ ٩، به خانه‌واده‌که‌ى گووتووه: ژماره‌ى زیندانیه‌کان له دواى عاشورا به رێژه‌یێک زۆر بووه که ده‌رمان به که‌مى ده‌ست ده‌که‌وێ و خواردن خراپه و به ئه‌ندازه‌ى پێویست نادرێ به زیندانیه‌کان.
ناوبراو هه‌روه‌ها باس له سه‌رماى توند و نه‌بوونى هۆکانى گه‌رما ده‌کا و ده‌ڵێ: زیندانى گه‌لێکى زۆر تووشى ئانفلانزا و هه‌لامه‌ت بوون که به هۆى نه‌بوونى ده‌رمان چاک نابنه‌وه.
