ئاڵمان دوو کارمەندى ئەمنیەتى سەفارەتى خۆى لە تاران بانگکردەوە
لە دواى ئیدیعاى بەرپرسانى ئەمنیەتى رژیمى ئێران سەبارەت بە گرتنى دوو دیپلوماتى ئاڵمانى لە رۆژى عاشورادا، دەوڵەتى ئاڵمان دوو کەس لە هێزە ئەمنیەتیەکانى جێگیر لە سەفارەتى ئەو وەڵاتە لە تارانى، بانگکردەوە.
حەوتوونامەى ئیشپیگل لە ماڵپەڕى ئینترنێتى خۆى لەو بارەوە نووسیویە، ئەو کارەى دەوڵەتى ئاڵمان سەبارەت بە کێشانەوەى ئەو دوو کەسە رۆژى چوار شەممە بە هۆى مەسەلەى ئەمنیەتى بووە.
پێشتر وەزارەتى ئیتلاعاتى رژیمى ئێران رایگەیاندبوو کە لە نێو گیراوەکانى رۆژى عاشورا لە تاران دوو دیپلۆماتى ئاڵمانیش بەرچاو دەکەون.
