کاترین ئه‌شتون: یه‌کیه‌تى ئوروپا کێشه‌ى به‌رنامه‌ى ناوکه‌یی ئێران بۆ ئه‌نجومه‌نى ئاسایش ده‌با
کاترین ئه‌شتون به‌رپرسى سیاسه‌تى ده‌ره‌وه‌ى یه‌کیه‌تى ئوروپا رۆژى یه‌کشه‌ممه ١١ى رێبه‌ندان رایگه‌یاند که هه‌نگاوى دوایی ئه‌م یه‌کیه‌تیه له باره‌ى به‌رنامه‌ى ناوکه‌یی رژیمى ئێران، ناردنیه‌تى بۆ ئه‌نجومه‌نى ئاسایش.
ناوبراو له ووتووێژ له‌گه‌ڵ "ئیسکاى نیوز" به ده‌ربر٠ینى نیگه‌رانى له به‌رنامه‌ى ناوکه‌یی رژیمى ئێران گووتى: حه‌وتووى اربردوو له‌گه‌ڵ هیلارى کلینتۆن وه‌زیرى ده‌ره‌وه‌ى ئه‌مریکا سه‌باره‌ت به ئێران قسه‌ى کردوه و هه‌ر دووکمان له‌و باوه‌ر٠ه‌دا بووین که به‌رنامه‌ى ناوکه‌یی رژیمى ئێران کێشه‌یێکه و ده‌بێ زیاتر سه‌رنجى بدرێتێ.
ئه‌شتون هه‌روه‌ها زیادى کرد که ئێمه سه‌باره‌ت به‌وه‌ى له ئێراندا رووده‌دا نیگه‌رانین. من له‌وه‌ى رژیمى ئێران ئاماده‌ى وتووێژ نیه نیگه‌رانم و ئێستا پێویسته جارێکى دیکه بزانین له‌و باره‌وه ده‌بێ چ هه‌نگاوێک هه‌ڵگرین.
سه‌رۆکى سیاسه‌تى ده‌ره‌وه‌ى ئوروپا گووتى: هه‌نگاوى دوایی ئێمه ئه‌وه‌یه که باسه‌کان ببه‌ینه ئه‌نجومه‌نى ئاسایشى نه‌ته‌وه یه‌کگرتووه‌کان.
حه‌وتووى رابردوو هیلارى کلینتۆن وه‌زیرى ده‌ره‌وه‌ى ئه‌مریکا گووتى: ئێستا ده‌بێ له باره‌ى رێگه‌یێک قسه بکه‌ین که باشترین کاردانه‌وه‌ى ده‌بێ.
