یاد و بیره‌وه‌ری سه‌رکه‌وتنى شۆڕشى گه‌لانى ئێران له‌به‌رامبه‌ر رژیمى پاشایه‌تى دا پیرۆزبێ
سیامه‌ند
سیامه‌ند
ساڵ پێش ئێستا، پێک هاته نه‌ته‌وه‌یى و بیروبۆچوونه جیاجیاکان له‌ئه‌نجامى راپه‌ر٠ینێکى پر٠ شکۆ دا کۆتاییان به ده‌سه‌لاتى ٢٥٠ ساڵه‌ى پاشایه‌تى له‌ئێران هێنا. ئه‌و راپه‌ر٠ینه به‌رینه جه‌ماوه‌ریه ته‌واوى ئێرانى گرته‌وه و بووه هۆى هه‌ستى نزیکایه‌تى و خۆشه‌ویستى نێوان تێکر٠اى دانیشتوانى ئێران و نه‌ته‌وه جیا جیاکان. ئه‌و هه‌ل و مه‌رجه نوێ یه که هه‌ل و مه‌رجی ئازاد و دیموکراتیک بوو، به‌داخه‌وه زۆرى نه‌برد خومینى و ئاخوندانى هاوکار و هاوبیرى به‌دامه‌زراندنى ده‌سه‌لاتێکى تاکڕه‌وانه و دواکه‌وتوو، به‌دامه‌زرانى حکوومه‌تى ویلایه‌تى فقیه له‌سه‌ر بیرۆکه‌ى دواکه‌وتووانه‌ترین نه‌وعى سیسته‌م و فکرى مه‌زهه‌بی ووشک،
هه‌موو ئاسۆ و ده‌رووێکیان له‌خه‌ڵکى ئێران به‌ست و له‌ماوه‌یێکى که‌مدا، سته‌م و دڕه‌نده‌یی خۆیان و ده‌سه‌لاته‌که‌یان به‌خه‌ڵکى دڵخۆش به‌ئازادى و شاد به‌سه‌رکه‌وتن به‌سه‌ر ده‌سه‌لاتى پادشایه‌تیدا سه‌پاند و له‌ماوه‌یێکى کورتدا کارێکیان کرد که زۆربه‌ى دانیشتووانى ئێران دڵیان له‌و ده‌سه‌لاته ڕه‌ش بوو. خومه‌ینى و ئاخوندانى هاوفکرى رژیمى دیکتاتۆرى ویلایه‌تى فه‌قیهیان به زۆر و به‌که‌ڵک وه‌رگرتن له‌هه‌ستى مه‌زهه‌بی خه‌ڵک که ئه‌و سه‌رده‌مانه ئه‌و وه‌زعه یارمه‌تى خومه‌ینى و لایه‌نگرانى دا بۆ دامه‌زراندنى ئه‌و رژیمه سه‌رکووتگه‌ره.
له‌ماوه‌ى زیاتر له‌سی ساڵ حوکمرانى ئاخونده‌کان، وه‌لاتى ئێران گه‌وره‌ترین و قورس ترین زیانى، ئابوورى سیاسی، کۆمه‌لایه‌تى لێکه‌تووه. به‌فیرۆدانى به‌رهه‌مى خه‌بات و راپه‌‌ڕینى به‌رینى جه‌ماوه‌رى ئێران و نه‌ته‌وه و ئایینه‌کانى ئه‌و وه‌لاته و هاتنه سه‌ر حوکمى رژیمى دیکتاتۆرى و ملهورى ئاخوندى بۆته هۆى دواکه‌وتوویی و په‌ره‌سه‌ندنى فه‌ساد و بێ موتمانه‌یی و بێ هیوایی خه‌ڵک به‌داهاتوویان. سته‌م و دڕه‌نده‌یی رژیمى ملهورى ویلایه‌تى فقیه به ڕاده‌یێک به‌رینه، گه‌نده‌ڵى و نه‌زانکارى ئاخوندان به‌راده‌یێک زۆره که بۆته هۆى له‌ریشه ده‌رهێنانى بایه‌خ و تایبه‌تمه‌ندییه گرینگه‌کانى باو له‌کۆمه‌ڵگاى ئێراندا.
ئه‌و سته‌م و بێعداڵه‌تیانه‌ى ده‌سه‌لاتداران رۆژ له‌دواى رۆژ زیاتر په‌ره‌ده‌ستێنى. ئیعدام، زیندانى کردنى لاوان و تێکۆشه‌رانى رێگه‌ى ئازادى زیاتر بووه و هه‌رکه‌سێک که ڕه‌خنه له‌و ده‌سه‌لاته ملهوره بگرێ، که‌وتۆته به‌ر بێڕه‌حمانه‌ترین نه‌وعى سته‌م و شکه‌نجه. به‌لام له‌گه‌ڵ ئه‌وه‌ى به‌رهه‌مه‌کان و ئامانجه‌کانى ئینقلابی ساڵى ١٣٥٧ى کۆچى خۆرى گه‌لانى ئێران له‌لایه‌ن خومه‌ینى و ئاخونده‌کانه‌وه به تالان و به‌لارێدا برا و هه‌روه‌ها سته‌م و بێعه‌داڵه‌تى تاقه‌ت پرۆکێن، تێکراى خه‌ڵکى ئێرانى گرته‌وه، له‌گه‌ڵ ئه‌وه‌شدا جه‌ماوه‌رى ئێران له‌به‌رانبه‌ر ئه‌و ده‌سه‌لاته تاکڕه و نادیموکرات و نامه‌نتیقیه، خۆڕاگرانه بۆ هاتنه‌دی ئامانجه‌کانیان فیداکارى که‌م وێنه‌یان نیشان داوه.
ڕاپه‌رینى به شکۆ و قاره‌مانانه‌ى جه‌ماوه‌رى ئێران له‌هه‌شت مانگى رابردوو که به‌دواى دانانه‌وه‌ى ئه‌حمه‌دى نه‌ژاد به سه‌رۆک کۆمارى گه‌رمتر بوونى جه‌نگى ده‌سه‌لات هاتۆته ئاراوه، رۆژ له‌دواى رۆژ زیاتر بڵێسه ده‌ستێنێ و ئاخونده ده‌سه‌لاتداره‌کانى نیگه‌ران کردوه. سه‌ره‌‌ڕاى سه‌رکووتى بێ به‌زه‌ییانه‌ى جه‌ماوه‌ر و گرتن و ئیعدامى ده‌یان لاوى شۆڕشگێرى کورد و فارس و باقى نه‌ته‌وه‌کانى دیکه له‌ئێران، ڕاپه‌رین و هه‌ستى به‌ربه‌ره‌کانێ و خه‌بات کردنى له‌به‌رانبه‌ر ئاخوندان زیاتر په‌ره‌ده‌ستێنێ.
چاوه‌‌ڕوان ده‌کرێ له بیست و دووى رێبه‌ندان چالاکى و ناره‌زایه‌تى جه‌ماوه‌رى له‌زۆربه‌ى شار و ناوچه‌کانى ئێران له‌دژى ده‌سه‌لاتى ویلایه‌تى فقیه به‌رێوه بچێ. بۆ رێگه‌گرتن له‌ناره‌زایه‌تى خه‌ڵک ماوه‌ى چه‌ند مانگه ناوه‌نده سه‌رکووتگه‌ره‌کانى ده‌سه‌لات و هه‌روه‌ها دامه‌زراوه غه‌یره ئه‌منیه‌تیه‌کان، هه‌رکام به شێوه و کارکردى تایبه‌ت به خۆى که‌وتوونه هه‌وڵ بۆ رێگه گرتن له‌به‌رێوه‌چوونى ناڕه‌زایه‌تى. له‌لایێک باڵى ته‌واو ئیرتجیاعى به‌رێبه‌رایه‌تى خامنه‌یی به‌هه‌‌ڕه‌شه له‌خه‌ڵک و هه‌روه‌ها به‌ده‌رکردنى راگه‌ێندراوى جیاجیا و هێنانه مه‌یدانى ئاخوندان بۆ ئه‌وه‌ى قسه له گه‌وره‌یی رژیمه‌که‌یان و ئاخوند خامنه‌یی بکه‌ن، هه‌روه‌ها به هه‌‌ڕه‌شه له‌خه‌ڵک و ترساندنیان به ئیعدام و زیندانى کردن، له‌هه‌وڵدایه رێگه بگرێ له‌و ناره‌زایه‌تیه چاوه‌‌ڕوانکراوانه که وێده‌چێ زۆربه‌ى شاره‌کانى ئێران بگرێته‌وه. له‌لایێکى دیکه، به‌رپرسانى رژیم له‌هه‌وڵدان به به‌رتیل دان به به‌کرێگیراوان و ژماره‌یێک له‌کارمه‌نده‌کانى ئیداره‌کان، هه‌ل و مه‌رجى رۆژى ٢٢ى رێبه‌ندان به قازانجى سیاسه‌ته‌کانى خۆیان رێک بخه‌ن، هه‌روه‌ها سپاى پاسدران ستادى بوحرانى دروست کردووه بۆ ئه‌وه‌ى له‌رۆژى ٢٢ى رێبه‌ندان رێگه له‌به‌رێوه‌چوونى نار٠ه‌زایه‌تى جه‌ماوه‌رى بگرێ.
ئاشکرایه له‌ماوه‌ى ٣١ ساڵ ده‌سه‌لاتى ئاخوندى به‌‌ڕێوه‌به‌رانى ئه‌و ده‌سه‌لاته ئه‌وه‌ى سته‌م و دڕه‌نده‌ییه له‌به‌رانبه‌ر جه‌ماوه‌رى ئێران به‌رێوه‌یان بردووه، له‌به‌رانبه‌ر ئه‌و گشته سته‌مه، موقاوه‌مه‌ت و پایه‌داریه‌ى جه‌ماوه‌ر ئه‌و راستیه‌مان بۆ ده‌رده‌خا که خه‌ڵکى ئێران و کوردستان به هه‌‌ڕه‌شه‌ى ئاخونده دڕه‌نده‌ان ترسیان لێ نانیشێ و له٢٢ى رێبه‌ندان و رۆژان و مانگه‌کانى داهاتوو، به‌به‌رده‌وام بوون له راپه‌رین و خۆراگرى به‌ردى بناغه‌ى ده‌سه‌لاتى ویلایه‌تى فقیه له‌‌ڕیشه ده‌ردێنن.
هه‌ر له‌و پێوه‌ندیه‌دا، سازمانى خه‌بات و حیزبی دیموکراتى کوردستان و پارتى ئازادى کوردستان و کۆمه‌ڵه‌ى زه‌حمه‌تکێشانى کوردستان له‌راگه‌ێندراوێکى هاوبه‌ش به بۆنه‌ى ئه‌و رۆژه مێژووییه و خه‌باتى به‌رفراوان و به‌رده‌وامى خه‌ڵکى ئێران له‌به‌رانبه‌ر حکوومه‌تى ملهورى ئاخونده‌کان، داوایان له‌جه‌ماوه‌رى کوردستان کردووه له‌و رۆژه‌دا چه‌نده و چۆن ده‌توانن له‌به‌رانبه‌ر ده‌سه‌لاتدارى ئاخوندان ناره‌زایه‌تى و بێزارى خۆیان ده‌رببڕن، تا ئه‌و ناڕه‌زایه‌تیانه پشتیوانێک بێ له‌‌ڕاپه‌رین و ناره‌زایه‌تیه که‌م وێنه‌کانى خه‌ڵک له‌شاره‌کانى تاران، ئیسفه‌هان، مشهه‌د، ته‌ورێز و باقى شاره و ناوچه‌کانى دیکه‌ى ئێران.
بێگومان به به‌رده‌وامى خه‌بات و کۆڵنه‌دان و یه‌کێتى و هاوکارى هێزه ئێرانى و کوردستانیه‌کان و هه‌روه‌ها له‌مه‌یداندا بوونى جه‌ماوه‌رى خۆراگر و قاره‌مان کۆتایی به ده‌سه‌لاتى ڕه‌شی ویلایه‌تى فه‌قیه دێت و زۆرتر ئاسۆى ئازادى و دیموکراسی باڵ به‌سه‌ر ئێراندا ده‌کێشێ.
