ئێران له‌سه‌رووى فیلتێرکردنى سایته ئینته‌رنێتیه‌کانه‌وه‌یه
ئاکامى لێکۆڵینه‌وه‌ى چوار زانستگاى ، ئاکسفۆرد ، که‌مبریج و هاروارد و تۆرێنتۆ له‌باره‌ى سانسۆرى سایته ئینته‌رنێتیه‌کان له نێو ٤٠ وه‌لاتى جیهان ده‌ریده‌خات که چین و ئێران له‌سه‌روى وه‌لاتانى به‌ربه‌ست دانه‌رن له‌سه‌ر سایته سیاسیه ئینته‌رنێتیه‌کان.
به پێی ئه‌و راپۆرته که رۆژى هه‌ینى ١٨ى مانگى مه‌ى بلاوبۆته‌وه بیست و پێنج وه‌لات له‌نێو وه‌لاتانى لێکۆڵینه‌وه له‌سه‌رکراو سایته‌کان سانسۆر و داده‌خه‌ن. به پێى راپۆرتى ئاسۆ شێتدپرێس، وه‌لاتانى چین، ئێران، میانمار، سوریه، تونێس و ویێتنام زۆر به توندى سایته سیاسیه‌کان فیلته‌ر ده‌که‌ن. ئێران یه‌ک له‌وه‌لاتانه‌یه که رێکخراوى راپۆرتده‌رانى بێ سنوور به (دژمنى ئینته‌رنێتى) ناوده‌با. راپۆرتده‌رانى بێ سنوور ده‌یان جار به هۆى گرتن و زیندانى کردنى هه‌واڵنێران و وێبلاگنووسان ر٠ه‌خنه‌ى له‌رژیمى ئاخوندى گرتووه.
