گیرانى چه‌ند خوێندکارێکى کورد له‌تیکاب
به پێى ئه‌و هه‌والانه‌ى که له‌ناوخۆوه به‌ده‌ستمان گه‌یشتووه، مه‌ئمورانى ئه‌منیه‌تى رژیمى ئاخوندى ١٧ خوێندکارى تیکابیان گرتووه که ١٣ نه‌فه‌ریان کوردن و خوێندکارن له‌زانستگاى تاران. هێزه ئه‌منیه‌تیه‌کان له‌دواى چوونه به‌رده‌رگاى ماڵى ئه‌و خوێندکارانه و پشکنینى که‌ل و په‌لى شه‌خسی ئه‌وان
ده‌ست به‌سه‌ر شت و مه‌کى تایبه‌تى وه‌ک کۆمپیته‌ر و کتێب و نووسراوه‌یان داده‌گرن. له‌کاتى چوون بۆ ماڵى خوێندکارى کورد به‌ناوى حامید ئومێدى خوێندکارى زانستگاى تاران کاتێک ده‌بینن ناوبراو له‌ماڵ نییه له‌رێگه‌ى پێوه‌ندى ته‌له‌فوونى داواى خۆبه‌ده‌سته‌وه‌دانى لێده‌که‌ن. حامید که له‌رێى چوون بۆ تاران ده‌بێ له‌که‌مینێکدا ده‌ستبه‌سه‌رى ده‌که‌ن و ده‌یگوازنه‌وه بۆ به‌ندیخانه‌ى ورمێ. له‌دواى ٤ رۆژ ئێستا حامید ئومێدى و ژماره‌یێک له‌وخوێندکاره کوردانه گوازراونه‌ته‌وه بۆ زیندانى ئه‌وینى تاران.
