په‌یامى به‌رێز، بابه‌شێخ حوسێنى سکرتیرى گشتى سازمان خه‌بات ى کوردستانى ئێران به بۆنه‌ى جێژنى نه‌ته‌وه‌یی نه‌ورۆز و ساڵى نوێى ١٣٨٩
هاونیشتمانانى تێکۆشه‌ر!
ئه‌ندامان و دۆستانى سازمانى خه‌بات!
پێشمه‌رگه نه‌به‌زه‌کان!
جێژنى نه‌ورۆز و ساڵى نوێتان پیرۆز بێ، هیوادارم، ته‌مى غه‌م و ده‌ردى پر٠ئازارى سته‌م و چه‌وسانه‌وه که زیاتر له٣٠ ساڵه به‌رۆکى هاونیشتمانان به‌رنادا به نه‌ورۆز و رێوره‌سمه پیرۆزه‌کان و به یادى حه‌ماسه و فیداکارى و گیانبازى و خه‌باتى کۆڵنه‌ده‌رانه هیچ نه‌بێ بۆ ماوه‌یێکى ئه‌گه‌ر که‌میش بێ، بار بکا و ده‌رد و ئازاره‌کان له‌بیر به‌رێته‌وه.
هاونیشتمانه، به‌باوه‌ر٠ و ئازارچێشتووه‌کانم، زیندانیانى سیاسی خۆر٠اگر، که‌س و کارى شه‌هیده سه‌ربه‌رزه‌کان، تێکۆشه‌رانى مه‌یدانى خه‌بات و کۆڵنه‌دان: نه‌ورۆز هێماى ئازادى، نه‌ورۆز رۆژى کۆڵنه‌دان، نه‌ورۆز چه‌قڵى چاوى دوژمنانى ئازادى به تایبه‌ت دژمنى خوێن رێژ و مرۆڤ کوژى ئاخوندى جارێکى دیکه هاته‌وه، جارێکى دیکه باى شه‌ماڵ به پێ ده‌شت و چیا و لێره‌وارى نیشتماندا وه‌ر ده‌بێ و به هێز و گه‌رماى پشکۆى زه‌وى، به‌فرى سر٠ به ناخى زه‌ویدا ده‌باته خوار. جاریکى دیکه داره‌کان چرۆ ده‌که‌نه‌وه، مژده‌ى گوڵ و هاتنى نه‌ورۆز به بولبولى ده‌نگ خۆش ده‌ده‌ن، جارێکى دیکه مه‌لى کۆچه‌ر، روو له‌نیشتمان ده‌که‌نه‌وه و پۆله که‌وى خاڵ به مل به قاسپه قاسپ روو له دامێنى چیاکانى نیشتمان ده‌که‌ن و له‌گه‌ڵ پێشمه‌رگه‌ى دڵسۆز بانگ لێ ده‌ده‌ن، پێشمه‌رگه بانگى ئازادیخوازى و سه‌رفرازى گه‌ل و که‌وى که‌وبواریش بانگى سه‌رمه‌ستى و رزگارى له‌ده‌ست سه‌رما و سۆڵ و به‌فرى داگیرکه‌ر هه‌ڵده‌دا، بولبوله‌کان ئه‌م چڵ و ئه‌و چڵ ده‌که‌ن و به‌ده‌نگى خۆشیان مژده‌ى شادى ده‌ده‌ن، په‌ر٠ه‌سیلکه‌کان له‌ژێر پاسارى خانووى شارو دێى نیشتمان، هێلانه ده‌که‌ن و چێژ له‌وه‌رزى ر٠ازاوه‌ى به‌هار وه‌رده‌گرن.
هاونیشتمانه خۆشه‌ویسته‌کانم، خۆزگه ئه‌و جوانى و تایبه‌تمه‌ندیانه، ئه‌و بۆن و به‌رامه‌ى وه‌رزى به‌هار و جوانى و رازاوه‌ییه‌که‌ى، نه‌مانى داگیرکه‌ر و دژمنى بێ فه‌ر٠ و ده‌سه‌لاتى ر٠ه‌شى ئاخوندى به‌دوابهاتایه. به‌لام هیوا به سه‌رکه‌وتن و گه‌یشتن به ئازادى زۆر به‌هێزه، وه‌ک ده‌بینن، ئاخونده‌کان بێ ر٠ه‌حمى و در٠ه‌نده‌ییان له‌سنوور تێپه‌ر٠اندووه، ته‌ر٠ و ووشک پێکه‌وه ده‌سووتێنن که بێگومانم رۆژێک دێ به ئاورى ر٠قى پیرۆزى جه‌ماوه‌رى وه‌زاڵه‌هاتووى ئێران و به خه‌بات و کۆڵنه‌دانى تێکۆشه‌رانى رێگه‌ى ئازادى، کۆتایی به دێوه‌زمه‌ى ده‌سه‌لاتى ئاخوندى دێ و ئاسووده‌یی و ئازادى باڵ به‌سه‌ر ئێران و کوردستاندا ده‌کێشێ و ئیتر شوێنه‌وارێک له‌سته‌مگه‌ر نامێنێ و هه‌موو پێکه‌وه نه‌ورۆز و هاتنى ساڵى نوێ جێژن ده‌گرن و ئه‌و کات روحى شه‌هیدانى سوور خه‌لاتى رێگه‌ى ئازادى، شاد ده‌بێ و که‌س و کارى شه‌هیدان و تێکۆشه‌رانى رێگه‌ى ئازادى دڵخۆش ده‌بن له‌نیشتمانى ئازادا و رووسوور و سه‌ربه‌رزن به تێکۆشانى بێ ووچان و کۆڵنه‌ده‌رانه‌یان.
جارێکى دیکه پیرۆزبێ، جێژنى نه‌ورۆز و ساڵى نوێى کوردى.
سازمانى خه‌بات ى کوردستانى ئێران
بابه‌شێخ حوسێنى
سکرتێرى گشتى
٢٨/١٢/١٣٨٨
