ساڵى نوێ بۆ خانه‌واده‌ى زیندانیه سیاسیه‌کان
خانه‌واده‌ى کاوه قاسمى چالاکى مافى مرۆڤ هاورێ له‌گه‌ڵ کۆمه‌ڵێک له چالاکانى مه‌ده‌نى کرماشان و سنه، له‌به‌رده‌م گرتووخانه‌ى ئیتلاعاتى کرماشان سفره‌ى ٧ سین یان پان کرده‌وه.
کاوه کرماشانى ئه‌ندامى سازمانى مافى مرۆڤى کوردستان رۆژى ١٤ى رێبه‌ندان له ماڵه‌که‌ى گیرا و گوازرایه‌وه بۆ زیندانى ئیتلاعات. له‌دواى ٢٧ رۆز دایکى ئه‌و چالاکه مه‌ده‌نیه بۆ ماوه‌ێکى کورت توانى چاوى به‌کوره‌که‌ى بکه‌وێ. له‌ته‌واوى ئه‌و ماوه‌یه دا مسته‌فا ئه‌حمه‌دیان وه‌کیلى ناوبراو ئیزنى خوێندنه‌وه و کار له‌سه‌ر په‌روه‌نده‌ى کاوه‌ى پێنه‌دراوه. شایانى باسه له‌زیندانى ورمێ به‌ندى ١٢ زیندانیانى سیاسی رێوره‌سمى نه‌ورۆزیان به هه‌ڵپه‌رکێ و سرود ووتنه‌وه به‌رز راگرت. هێزه دژییه گه‌لیه‌کانى رژیم له‌زیندان هه‌ڵیانکووتایه سه‌ر زیندانیان و ١٥ که‌سیان بۆ ژووره تاکه‌که‌سیه‌کان گواسته‌وه.
