به هۆى رووداوێکى ماشینه‌وه ئه‌ندامێکى سازمانى خه‌بات و سێ که‌سی دیکه گیانیان دا
به‌داخێکى گرانه‌وه رۆژى دووشه‌ممه ٢/١/١٣٨٩ له‌رووداوێکى هاتووچۆ له‌رێگه‌ى نێوان سه‌رده‌شت بانه، ئه‌ندامێکى سازمانى خه‌بات ى کوردستانى ئێران به ناوى "تاهیرى ئه‌رده‌لان کورى عه‌لى خانى و هه‌روه‌ها بیهزادى ئه‌رده‌لان کورى عه‌بدوڵڵا خان خه‌ڵکى مه‌رخوز و فوئادى مه‌حموودى کورى فاتیح مه‌حموودى و محه‌ممه‌د سه‌قزى گیانیان دا.
به پێى هه‌واڵه‌کان تاهیر و بێهزاد و محه‌ممه‌د له گۆرستانى سه‌قز به خاک سپێردراون و فۆئادیش له گۆرستانى سلێمان به‌گى بانه به خاک سپێردراوه.
شایانى باسه تاهیر ئه‌رده‌لان له‌ساڵى ١٣٨٤ پێوه‌ندى به سازمانى خه‌باتى کوردستانه‌وه گرت و وه‌ک رێکخستنى نه‌هێنى سازمان له ناوخۆى کوردستان سازمانده‌یی کرا.
سازمانى خه‌بات ى کوردستانى ئێران وێراى سه‌ره‌خۆشی گه‌رمى خۆى به خانه‌واده‌ى ئه‌و کۆچکردووانه، خۆى له‌خه‌م و په‌ژاره‌یان دا به شه‌ریک ده‌زانێ و له‌خواى گه‌وره داواکاره روحیان به به‌هه‌شتى به‌رین شاد بێ.
