گه‌نده‌ڵى له‌نێو هێندیک له پزیشکانى کوردستان
به پێى راپۆرتى سایتى یه‌کیه‌تى خانه‌واده‌ى زیندانیانى کورد، هێندێک له پزیشکان له‌شاره‌کانى جواروجۆرى کوردستان به بێ گوێدانه پێوه‌ره قانوونیه‌کان و ئوسولى ئه‌خلاقى و سوێندى پزیشکى و ته‌نیا له‌پێناو پوول کۆکردنه‌وه، نه‌خۆشانى خۆیان تووشی خه‌رجى زۆر ده‌که‌ن. ئه‌و پزیشکانه له‌گه‌ڵ به‌رپرسی به‌شه جیاجیاکانى وه‌ک تاقیگه، رادیولۆژى، سۆنۆگرافى و ده‌رمانخانه‌کان به بێ ئه‌وه‌ى نه‌خۆش پێویستى به‌و به‌شه خزمه‌تگوازاریانه بێ رێکه‌وتوون و ...
نه‌خۆشه‌کان ده‌نێرنه ئه‌و شوێنانه، تا له‌راستى دا گیرفانیان به‌تاڵ بکرێت. به پێى راپۆرتى ئه‌و سه‌رچاوه‌یه پووڵى ده‌ست که‌وتوو له‌نێوان پزیشکى ده‌رمان نووس و به‌رپرسی به‌شی دیاریکراودا، به‌ش ده‌کرێ. ئه‌و ر٠ه‌وشه به ر٠اده‌یێک ئاسایی بۆته‌وه که ئه‌و نه‌خۆشانه‌ى که وه‌زعى ماڵیان باشتره به‌مه‌به‌ستى وه‌پێشخستنى کات و وردبوون له‌عه‌مه‌لى نه‌شته‌رگه‌رییه‌کان و هتد...خۆیان پوولى زیاتر و ر٠شوه ده‌ده‌ن به دکتۆره‌کان. بێجگه له بێ ئه‌خلاقى ئه‌و کۆمه‌ڵه پزیشکه و قانون شکێنى، یه‌کێک له‌گرینگترین هۆکانى پێر٠انه‌گه‌یشتن به سکالاى خه‌ڵک و نه‌بوونى چاودێرى به‌سه‌ر کارى دکتۆره‌کان، نه‌دانى پووڵى بیمه‌ى دابینکردنى کۆمه‌لایه‌تى نه‌خۆش به پزیشکان له لایه‌ن شوێنه پێوه‌ندیداره‌کانى رژیمى ئاخوندیه. ده‌وڵه‌تى گه‌نده‌ڵ، نه‌بوونى چاودێرى، وه‌لام نه‌دانه‌وه و گرینگتر له‌هه‌موو کاڵبوونه‌وه‌ى پێوه‌ره مرۆڤایه‌تیه‌کان، ته‌نانه‌ت کۆمه‌ڵگاى پزیشکانیشى گرتۆته‌وه.
