به‌ره‌وسه‌ر چوونى ١.٧ له‌سه‌دى نه‌خۆشی ئیدز له‌زیندانه‌کانى ئێران
سه‌رژمێرییه‌کان ده‌رى ده‌خه‌ن که بلاوبوونه‌وه‌ى وایرۆسی ئێچ ئاى وى هه‌ڵگرى نه‌خۆشی ئیدز له زیندانه‌کانى ئێران ١،٧ له‌سه‌د به‌ره‌وسه‌ر چووه. له‌ئێران ساڵیانه زیاتر له ٦٠ ٠ ٠ که‌س ده‌چن ناوزیندان که به پێى ووته‌ى به‌رپرسانى سازمانى زیندانه‌کان، زیاتر له ٥٠ له‌سه‌دیان پێش چوونیان بۆ زیندان موعتادن و له‌زیندان له ده‌رزى هاوبه‌ش که‌ڵک وه‌رده‌گرن.
هه‌ر ئه‌و بابه‌ته بۆته هۆى بلاوبونه‌وه‌ى نه‌خۆشی ئیدز له‌زیندانه‌کان. جێگه‌ى باسه ئه‌و زیندانیانه له‌لاى باقى زیندانیان ر٠اده‌گیرێن. که‌ڵک وه‌رگرتن له‌ده‌رزى پیس، پێوه‌ندى جینسی له‌گه‌ڵ هاوجینس و خاڵکوووتان له هۆ سه‌ره‌کیه‌کانى بلاوبوونه‌وه‌ى نه‌خۆشی ئیدز له زیندانه‌کانى ئێران ده‌زاندرێن. به‌شێوه‌یێک که زیندانه‌کان به‌ناوه‌ندى گه‌شه‌سه‌ندنى ویروسی ئێچ ئاى وى و گوازتنه‌وه بۆ کۆمه‌ڵگاى لێهاتووه. بلاوبوونه‌وه‌ى نه‌خۆشی ئیدز له‌زیندانه‌کانى جیهان له٢٠ ساڵ له‌مه‌وبه‌ره‌وه ده‌ستى پێکردووه. هه‌روه‌ها یه‌که‌مین نمونه‌ى ئیدز له زیندانه‌کانى ئێران، له‌ساڵى ١٣٧٤ له‌زیندانى "ئاوى حه‌یاتى" کرمان بیندراوه.
