ر٠اگه‌یێندراوى سازمانى خه‌بات ى کوردستانى ئێران له سه‌ر ترۆرى مامۆستایانى ئایینى له کوردستانى ئێران
هاونیشتمانانى به‌رێز!
مامۆستایانى ئایینى تێکۆشه‌ر!
وه‌ک ئاگادران، له چه‌ند رۆژى ر٠ابردوودا دوو مامۆستاى ئایینى ئیسلام به ناوه‌کانى مامۆستا مه‌لا ئه‌بووبه‌کر تینا له شارى مه‌هاباد و مامۆستا مه‌لا ئه‌بووبه‌کر قادریانى له شارى پیرانشار، ده‌درێنه به‌ر ده‌ست ر٠ێژى چه‌کى چه‌ند چه‌کدارى ترۆریست و شه‌هید ده‌کرێن.
هه‌روه‌ها ماوه‌یێکه هێزه به‌کرێگیراوه‌کانى رژیمى ئاخوندى و ئیداره‌ى به‌ناو شۆراى روحانیه‌ت زۆرى بۆ مامۆستایانى ئایینى کوردستان هێناوه که بر٠یار و ر٠اسپارده‌کانى ئاخوندان جێ به جێ بکه‌ن و لێ یان لا نه‌ده‌ن، ئه‌وه له کاتێکدایه که ئاخونده‌کان دینى پیرۆزى ئیسلامیان کردۆته هۆیێک بۆ هاتنه دیی مه‌به‌سته گلاوه نا ئیسلامی و دژه مرۆڤایه‌تیه‌کانیان.
ئاخر مامۆستاى ئایینى که له دینى پیرۆزى ئسلام حاڵیه و ئاگاى لێ یه‌تى چۆن ده‌توانێ به قسه‌ى پۆلێک ئاخوندى رۆزه‌خوان بکا، که دوو روویى (ته‌قیه) یان کردۆته بنه‌ر٠ه‌ت و سه‌رچاوه‌ى رێ و شوێنه‌کانیان.
کاتێک مامۆستایانى شاره‌زا و زاناى کوردستان ده‌زانن به‌شى هه‌ره زۆرى ئه‌وه‌ى ئاخوندان ده‌یڵێن دووره له ده‌ستوورات و رێ و شوێنى ئیسلام، چۆن ده‌کرێ به بر٠یاره‌کانیان و ده‌ستووره‌کانیان ره‌فتار بکه‌ن.
مامۆستا مه‌لا سه‌لام له شارى سه‌رده‌شت به هۆى ئه‌وه‌ى رۆژى سێ شه‌ممه‌ى وه‌ک یه‌که‌م رۆژى جێژنى ره‌مه‌زان ر٠اگه‌یاند، که‌وته به‌ر په‌لامار و ئازاردانى به‌کرێگیراوانى رژیم. دیاره ئه‌و نه‌وعه هه‌ڵوێست و کرده‌وه‌ى ده‌سه‌لاتدارانى رژیم له به‌رانبه‌ر مامۆستایان و پێش نوێژه‌کانى کوردستان به‌تایبه‌ت مامۆستایانى سووننى له سه‌رانسه‌رى ئێران، یه‌که‌م جار نیه و له ماوه‌ى ده‌سه‌لاتدارى ئاخونده‌کاندا ره‌فتارى قێزه‌ون و غه‌یره مرۆڤانه و نه‌شیاوتریان لێ بیندراوه. که ترۆرى مامۆستا مه‌لا محه‌ممه‌د ره‌بێعى له کرماشان، ئیعدامى نار٠ه‌واى مامۆستا مه‌لا برایم حیکمه‌ت و ده‌یان مامۆستاى دیکه.
بێ گوومان مامۆستایانى ئایینى کوردستان له باقى چین و توێژه‌کانى کورده‌وارى باشتر ده‌زانن سیاسه‌تى ئاخونده‌کان به چ شێوه‌یێکه و تا چ ر٠اده‌یێک دژ به‌وانه، به تایبه‌ت باش ده‌زانن که ئاخونده‌کانى ده‌سه‌لاتدار به سه‌ر ئێراندا له ئیسلام و ئینسانیه‌ت بێ خه‌به‌رن و ئه‌گه‌ریش ئاگایان لێى بێ، هیچ کات ناى که‌ن، هه‌ر ئه‌و ئاگادارى و شاره‌زایه‌ى مامۆستایان له سه‌ر ده‌سه‌لاتى ئاخوندان واى کردوه بکه‌ونه به‌ر په‌لامار و هه‌رشه چوونکه ده‌سه‌لاتدارانى رژیم مه‌ترسیان له هه‌ڵوێست و رێنوێنیه‌کانى مامۆستایانى ئایینى بۆ خه‌ڵکى کوردستان هه‌یه.
ترۆر کردنى دوو مامۆستاى ئایینى ئیسلامى له کوردستان ئه‌ویش که هه‌ر دووکیان ناوه‌کانیان ئه‌بووبه‌کر،ه ئه‌و هه‌واڵ و شک و گومانانه به‌هێز ده‌کا، که ده‌ستى به‌کرێگیراوانى رژیم له ترۆر کردنیان دا هه‌یه، به‌تایبه‌ت ئه‌و دوو مامۆستا ئایینیه به ر٠اشکاوى دژایه‌تى سیاسه‌ته‌کانى ئاخونده‌کانیان ده‌کرد و له ووتاره‌کانیان راسته‌وخۆ و ناراسته‌وخۆ، دژ به ده‌سه‌لاتى ئاخوندى و نار٠استیه‌کانیان ده‌دوان.
سازمانى خه‌بات ى کوردستانى ئێران له‌گه‌ڵ مه‌حکوم کردنى ترۆرى مامۆستایانى ئایینى مه‌لا ئه‌بووبه‌کر تینا و مه‌لا ئه‌بووبه‌کر قادریانى، له مه‌هاباد و پیرانشار ، و هه‌روه‌ها زۆرهێنان و ئازاردانى مامۆستایانى ئایینى له شاره‌کانى دیکه‌ى کوردستان، و تێکر٠اى شوێن که‌وتووانى مه‌زهه‌ب و بۆچوونه‌کان له ئێران، داوا له مامۆستایانى ئایینى ئیسلام ده‌کا، هه‌وڵ و تێکۆشانى خۆیان له به‌رانبه‌ر ده‌سه‌لاتى ملهور٠ و خۆسه‌پێن و دژ به مرۆڤایه‌تى و دژ به ئیسلامى ویلایه‌تى فه‌قێ زیاتر بکه‌ن.
گوومان نیه مامۆستایانى ئایینى ده‌توانن ده‌ورى کاریگه‌رتریان له خه‌بات و خۆر٠اگرى تێکر٠ایی له به‌رانبه‌ر ده‌سه‌لاتى ئاخوندیدا هه‌بێ و له رێنوێنى کردن و سازدانى جه‌ماوه‌رى کوردستان و هاونیشتمانى کوردى موسوڵمان له رووبه‌روو بوونه‌وه‌ى ده‌سه‌لاتى نگریسى ئاخوندیدا هه‌بێ.
سازمانى خه‌بات ى کوردستانى ئێران پشتیوانى و هاوکارى هه‌مه‌لایه‌نه‌ى خۆى بۆ مامۆستایانى ئایینى تێکۆشه‌ر و شۆرشگێر٠ و تێکر٠اى ناوه‌نده روناکبیرى و مه‌ده‌نیه‌کان که بۆ ده‌سته‌به‌رکردنى ئازادى و دیموکراسى و دابین کردنى مافه‌کانى گه‌لى کورد و ماف و ئازادیه‌کان بۆ تاک و چین و توێژه جیاجیاکان تێ ده‌کۆشن ر٠اده‌گه‌یێنێ و باوه‌ر٠ى وایه رژیمى ملهور٠ى ئاخوندى له ناوچوون و رووخان چاره‌نووسیه‌تى و له هه‌مان کاتیشدا ئازادى و ده‌سه‌لاتێکى دیموکراتیک و پارڵمانى له ئێران دا جێگیر ده‌بێ و گه‌لى کوردیش له سایه‌ى ئازادى و دیموکراسیدا به مافه‌کانى ده‌گا.
سلاو بۆ رۆحى مامۆستایانى ئایینى شه‌هید و مامۆستایانى ئایینى تێکۆشه‌ر و ئازادیخواز و پێش که‌وتوو و تێکر٠اى هۆگرانى ئازادى و مافى یه‌کسانى
کۆمیته‌ى ناوه‌ندى
سازمانى خه‌بات ى کوردستانى ئێران
١٣ى ر٠ه‌زبه‌رى ١٣٨٧ـ ٤ى ئۆکتۆبرى ٢٠ ٠ ٨
