کاترین ئیشتۆن: رژیمى ئێران کێشه‌ى یه‌که‌مى ئه‌منیه‌تى جیهانى
کاترین ئیشتۆن سه‌رۆکى سیاسه‌تى ده‌ره‌وه‌ى یه‌کێتى ئورووپا، له‌چاوپێکه‌وتن له‌گه‌ڵ سه‌رۆک کۆمارى فه‌رانسه، رژیمى ئێرانى به کێشه‌ى یه‌که‌مى ئه‌منیه‌تى جیهانى ناوه‌زد کرد. هه‌واڵده‌رى فه‌رانسه له‌وباره‌وه ووتى: نیکۆلا سارکوزى سه‌رۆک کۆمارى فه‌رانسه کێشه‌ى رژیمى ئێرانى له‌گه‌ڵ کاترین ئیشتۆن دایه به‌ر باس و ووتووێژ.
سه‌رچاوه‌یێکى باوه‌رپێکراو له کاخى ئێلیزه له‌دواى کۆبوونه‌وه‌که رایگه‌یاند، کاترین ئیشتۆن ئێرانى به کێشه‌ى ژماره یه‌که‌مى ئه‌منیه‌تى جیهان ناساندووه و سارکوزیش پشتیوانى ته‌واوى فه‌رانسه‌ى به ئیشتۆن ده‌ربریوه. هه‌واڵده‌رى فه‌رانسه گبلاوى کرده‌وه، له‌کاتێک دا هێزه‌کانى جیهان هه‌وڵه‌کانیان بۆ ته‌حریم خستنه‌سه‌ر رژیمى ئاخوندى چر٠ کردۆته‌وه، ده‌وڵه‌تى فه‌رانسه فشارى بۆ سه‌ر ئه‌و رژیمه به‌ره‌وسه‌ر بردوه.
