بانگهێشت بۆ مانگرتن له‌خواردنى سه‌رانسه‌رى مامۆستایانى ئێران
شۆراى هاوئاهه‌نگى ته‌شه‌کوله سینفیه‌کانى مامۆستایانى ئێران به ده‌رکردنى راگه‌یه‌ندراوێکدا باس له مانگرتن له‌خواردنى یه‌ک حه‌وتوویی کۆمه‌ڵێک له چالاکانى سینفى به نیشانه‌ى نار٠ه‌زایه‌تى به حوکمى نا یاسایی و زیندانى درێژماه‌وى سه‌پێندراو به‌سه‌ر مامۆستایان ده‌کا. له‌و راگه‌یاندراوه دا هاتووه، ئه‌ندامانى شوراى ناوه‌ندى کانونى مامۆستایان و چالاکانى سینفى له‌رۆژه‌کانى ١٢ تا ١٨ى بانه‌مه‌ر٠ى ئه‌مساڵ مان له‌خواردن ده‌گرن و هه‌روه‌ها داوایان له‌سه‌رجه‌م مامۆستایانى ئێرانى کرد که
له‌رۆژى ١٢ى بانه‌مه‌ر٠ هاوکات له‌گه‌ڵ رۆژى مامۆستا له‌ئێران به‌و مانگرتنه په‌یوه‌ست بن. شوراى هاوئاهه‌نگى سه‌ندیکا سینفیه‌کانى مامۆستایانى ئێران، له‌و راگه‌یه‌ندراوه‌دا خوازیارى ئازاد بوونى به په‌له و بێ مه‌رجى سه‌رجه‌م مامۆستایان و فه‌رهه‌نگیانى زیندانى بووه و روو به‌و که‌سانه‌ى که ئیدعاى ئازادى ته‌واو له‌ئێران ده‌که‌ن ده‌ڵێ، ده‌بێ وه‌لامى ئه‌وه بده‌نه‌وه که بۆچى پاکترین و سادقترین مامۆستایانى وه‌لات ته‌نیا له‌به‌ر ره‌خنه له‌بارودۆخى هه‌نووکه‌یی، له‌گه‌ڵ حوکمى ئیعدام و زیندانى درێژماوه و ده‌رکردن و دوورخستنه‌وه و بێ به‌ش بوون له‌ووتنه‌وه‌ى وانه‌و هتد.. به‌ره‌وروو ده‌بن. له‌و راگه‌یه‌ندراوه‌دا سه‌باره‌ت به ده‌رکردنى حوممى ئیعدام بۆ فه‌رزاد که‌مانگه‌ر مامۆستاى کورد و قه‌نبه‌رى ره‌خنه‌ى توند گیراوه و سه‌باره‌ت به ئاسه‌واره خه‌راپه‌کانى ده‌رکردنى ئه‌و جۆره حوکمانه، ده‌سه‌لاتدارانى ئاخوندى ئاگادار کراوه‌ته‌وه.
