کاتى راگه‌یاندنى ته‌حریمه نوێیه‌کان دژى رژیمى ئێران نزیکه
نیکۆلا سارکۆزى، سه‌رۆک کۆمارى فه‌رانسه، له کونفرانسێکى هه‌واڵده‌رى له‌گه‌ڵ هاوتاى چینى خۆى له پیکه‌ن پێته‌ختى چین گووتى: ووتووێژ له‌گه‌ڵ رژیمى ئێران له‌سه‌ر به‌رنامه ئه‌تۆمیه‌که‌ى بونیادنه‌ر نه‌بووه و کاتى به‌رێوه‌بردنى ته‌حریمه‌کان دژى رژیم ئێران نزیک بۆته‌وه.
ناوبراو زیادى کرد، ئێمه خوازیارین که له هه‌لێکى شیاو و هاورێ له‌گه‌ڵ یه‌کدى ئه‌و مه‌سه‌له‌یه بکه‌وێته به‌رباس، به‌لام ئه‌گه‌ر ووتووێژه‌کان له‌گه‌ڵ شکست به‌ره‌ورووبوون ته‌نیا ده‌بێ له گورزى گه‌مارۆ که‌ڵک وه‌رگرین. سه‌رۆک کۆمارى فه‌رانسه گووتى: به هاوتاى چینى خۆى ووتووه که هه‌وڵه‌کانى رژیمى ئێران بۆ به‌ده‌ست هێنانى چه‌ک و چۆڵى ناوکه‌یی ده‌توانێ دامه‌زراویی جیهان تێک بدات.
