ناره‌زایه‌تى کرێکارانى سنه دژى رژیم له‌رۆژى جیهانى کرێکار
به پێى هه‌واڵه‌کان، له‌شارى سنه کرێکاران ئه‌و شاره و کۆمه‌لێک خه‌ڵکى مه‌ده‌نى به نیشانه‌ى ناره‌زایه‌تى ده‌ربرین رۆژى ١ى مانگى مه‌ییان کرده رۆژى به‌ره‌نگاربوونه‌وه و خۆراگرى له‌به‌رانبه‌ى رژیمى ئاخوندى ئێران و له‌گه‌ڵ هێزه‌کانى رژیم تێکگیران. پێش ئه‌وه‌ى که کۆبوونه‌وه‌ى کرێکاران ده‌ست پێبکا دوو که‌س له‌لایه‌ن هێزه سه‌رکووتگه‌ره‌کان گیران و پێشتریش ٥ که‌س له چالاکانى کرێکارى له‌شارى سنه به ناوه‌کانى شه‌ریف ساعد په‌نا، شمس ئه‌مانى...
سه‌دیق که‌ریمى، ئیسماعیل کازمى و خالید سوارى له ئه‌ندامانى شاندى به‌رێوه‌به‌رى یه‌کێتى سه‌ربه‌خۆى کرێکارانى ئێران له‌سنه بۆ ئیداره‌ى ئیتلاعاتى شار بانگ کران و داوایان لێکرابوو له هێچ مه‌راسیمێک به بۆنه‌ى رۆژى جیهانى کرێکار به‌شدارى نه‌که‌ن. به پێى هه‌واڵه‌کان نزیک به ١٠ ٠ ٠ کرێکار و خه‌ڵکى ئاسایی له شارى سنه له‌به‌رانبه‌ر کومیته‌ى ئیمدادى شار کۆبوونه‌وه و دروشمى دژى حکوومه‌تیان به‌رز کرده‌وه. کرێکارانى نارازى له‌رژیم له‌درێژه‌ى دروشم و ناره‌زایه‌تیه‌کانیان له‌گه‌ڵ هێزه‌کانى رژین تێکگیران و و له‌ئه‌نجام دا ٥ که‌س له نارازیان گیران.
