گه‌یتس: سپاى پاسداران هه‌ر٠Žه‌شه‌ێکن بۆ ناوگه‌نه‌کانى ئه‌مریکا له‌خه‌لیجى فارس
به پێى راپۆرتى هه‌واڵده‌رى رویته‌رز، رابیرت گه‌یتس وه‌زیرى به‌رگرى ئه‌مریکا رایگه‌یاند رژیمى ئێران به توانى نیزامى خۆى ده‌یهه‌وێ ببێته هه‌ر٠ه‌شه‌یێک بۆ ناوگه‌نه‌کانى ده‌ریایی ئه‌مریکا له‌ناوچه‌ى خه‌لیجى فارس. ناوبراو گووتى: رژیمى ئێران بریارى داوه کێشه‌ێکى قووڵ بۆ هێزى ده‌ریایی ئه‌مریکا له‌ناوچه‌که دروست بکات.
قسه‌کانى گه‌یتس حه‌وتووێک دواى مانۆره ده‌ریاییه‌که‌ى سپاى پاسداران له‌ناوچه‌ى ته‌نگایی هۆرمۆز دێت که له‌و دا هێزه‌کانى ده‌ریایی سپاى پاسداران عه‌ملیاتێکیان بۆ به‌ستنى باریکه‌ى هۆرمۆز به‌رێوه برد. وه‌زیرى به‌رگرى ئه‌مریکا زیادى کرد: رژیمى ئێران به موشکه بالیستیک و کروز و مینى ناو ئاو و مووشه‌کى دژه که‌شتى ده‌یهه‌وێ هه‌ر٠ه‌شه بۆ هێزى ده‌ریایی ئێمه له‌ناوچه‌ى خه‌لیجى فارس دروست بکات. جێگه‌ى باسه فه‌رمانده‌یی ده‌ریایی ئه‌رته‌شی رژیم رایگه‌یاند، رۆژى ١٥ى بانه‌مه‌ر قه‌راره مانۆرێکى گه‌وره له ته‌نگایی هۆرمۆز و ده‌ریایی عه‌مان به‌رێوه بچێ. بێ گومان ئه‌و مانۆره ته‌نگه‌ژه‌کانى نێوان ئه‌مریکا و رژیمى ئێران به‌ره‌وسه‌رتر ده‌بات.
