رۆژنامه‌وانانى ئێرانى و کوردستانى ئازاد بکه‌ن
فدراسیۆنى نێوده‌وڵه‌تى رۆژنامه‌وانان، گه‌وره‌ترین رێکخراوى نێوده‌وڵه‌تى پارێزه‌رى مافى رۆژنامه‌وانان، جارێکى تر به‌ربه‌سته‌کانى به‌رده‌م میدیا و رۆژنامه له‌ئێران و درێژه‌ى فشار بۆسه‌ر چالاکانى ئه‌و مه‌یدانه‌ى مه‌حکووم کرد و خوازیارى ئازادکردنى سه‌رجه‌م رۆژنامه‌وانى زیندانى له‌ئێران بوو. فیدراسیۆنى نێوده‌وڵه‌تى رۆژنامه‌وانان له راگه‌یه‌ندراوێکدا که ...
به بۆنه‌ى سێهه‌مى مانگى مه‌ى رۆژى جیهانى ئازاى مه‌تبووعات بلاوى کرده‌وه ره‌خنه‌ى له راگرتنى ٣٥ رۆژنامه‌وانى ئێرانى له‌زیندانه‌کان و پلۆمپ کردنى ده‌فته‌رى ئه‌نجوومه‌نى سینفى رۆژنامه‌وانانى ئێران گرتووه. له‌و به‌یانیه‌دا له‌زمان جیم بوملها سه‌رۆکى ئه‌و فدراسیۆنه نووسراوه: هێرشه‌کان بۆسه‌ر رۆژنامه‌وانان به‌رده‌وام بووه و دوا به‌دواى نار٠ه‌زایه‌تیه گشتیه‌کان، رژیمى ئێران هه‌وڵى داوه میدیا سه‌ربه‌خۆکان سه‌رکووت بکا و سه‌رجه‌م پێوه‌ندییه‌کان له‌گه‌ڵ جیهانى ده‌ره‌وه ببرێ.
