رژیمى ئێران به بێ فشارێکى جیددى و به هێز رێره‌وى خۆى ناگۆرێ
فیلیپ کراولى ووته‌بیژى وه‌زاره‌تى ده‌ره‌وه‌ى ئه‌مریکا گووتى: کاتى ئه‌وه هاتووه که کۆمه‌ڵگاى نێوده‌وڵه‌تى راگه‌یه‌ندراوێکى توند دژى رژیمى ئێران په‌سه‌ند بکا و بۆ ئه‌و رژیمه روون بکاته‌وه که له‌به‌رئه‌وه‌ى که کۆمه‌لێک شت که ده‌بووایه به‌رێوه‌ى ببات به‌رێوه‌ه‌ى نه‌بردووه، ئاکامى خه‌راپیش له‌ئارادایه. ناوبراو له‌کۆنفرانسێکى هه‌واڵده‌رى دا گووتى: وه‌زیرى ده‌ره‌وه‌ى ئه‌مریکا پێی داگرتووه که ئێمه له‌سیاسه‌تى دیپلۆماسی ده‌ستمان هه‌ڵنه‌گرتووه، به‌لام له‌ئێستا دا لێکدانه‌وه‌کانى ئێمه باس له‌وه ده‌که‌ن که رژیمى ئێران به بێ راگه‌یه‌ندراوێکى واقعیى و جیددى له‌لایه‌ن کۆمه‌ڵگاى نێوده‌وڵه‌تى دووره ...
ده‌ست له‌و رێره‌وه‌ى گرتۆیه‌ته پێش هه‌ڵگرێ. ناوبراو له‌و کۆنفرانسه هه‌واڵده‌رییه‌دا ووتى: ئێمه به‌و ئاکامه گه‌یشتووین که رژیم سه‌ره‌ر٠اى ئه‌و گشته ده‌رفه‌ته‌ى که هه‌یبووه بۆ روون کردنه‌وه‌ى به‌رنامه ناوکه‌ییه‌کانى هیچ هه‌ولێکى بۆ ئه‌و کاره نه‌داوه. ئه‌حمه‌دى نه‌ژاد له‌هه‌موو ووتووێژه‌کانى له نیۆیۆرک قامکى تاوانى روو به که‌سانێکى تر راگرتووه و هه‌رگیز نه‌یگووت، بۆچى پرسیاره‌کانى ئاژانسی وه‌لام نه‌داوه‌ته‌وه و بۆچى نایهه‌وێ وه‌لامى ئه‌و پرسیارانه بداته‌وه. له‌راستى دا پرسیار ئه‌وه‌یه بۆچێ رژیم نایهه‌وێ پێبه‌ندى به‌لێننامه‌ى پێشگرتن له‌په‌ره‌دانى چه‌ک و چۆڵى ئه‌تۆمى بێت. هه‌ر بۆیه ئێمه به‌و ئاکامه گه‌یشتووین که کاتى ئه‌وه هاتووه فشارێکى تایبه‌ت و هاوئاهه‌نگ بێنینه سه‌ر رژیمى ئێران.
