په‌یامى به‌رێز بابه‌شێخ حوسێنى سکرتێرى گشتى سازمانى خه‌بات به بۆنه‌ى ئیعدامى پێنج تێکۆشه‌رى سیاسی
جه‌ماوه‌رى سته‌م لێکراوى کوردستان!
خه‌ڵکى خۆراگرى ئێران!
تێکۆشه‌رانى چالاک و ئازادیخواز، ئه‌ندامان و لایه‌نگرانى سازمانى خه‌بات!
هه‌واڵى ئێعدامى ٥ تێکۆشه‌رى رێگه‌ى ئازادى، شه‌هیدان فه‌رزاد که‌مانگه‌ر، فه‌رهاد وه‌کیلى، شیرین عه‌له‌م هویى و عه‌لى حه‌یده‌ریان و مێهدى ئیسلامیان بووه هۆى خه‌م و په‌ژاره‌م.
به بیستنى هه‌واڵى ئه‌و جینایه‌ته ئه‌و پرسیاره‌م له‌لا دروست بوو که به‌راستى ده‌بێ ئاخونده ده‌سه‌لاتداره‌کان، چ جۆره مرۆڤێک بن، ئایا ده‌کرێ به مروڤـ بژمێردرێن؟
دیاره زۆر له‌سه‌ر جینایه‌ت و ده‌ر٠نده‌یى ده‌سه‌لاتى ئاخوندى گوتراوه و نوسراوه، باس کردن له‌سته‌مگه‌رى و پێشێل کردنى مافه‌کانى مروڤـ له لایه‌ن ده‌سه‌لاتى ئاخوندانه‌وه له جیهان باس ده‌کرێ و رێکخراو و ناوه‌نده جیهانیه‌کانى پارێزه‌رى مافى مروڤـ هه‌رکام به‌نۆره‌ى خۆیان له‌سه‌ر جینایه‌ت و سته‌مگه‌ری حکومه‌تى ویلایه‌تى فه‌قیه به‌رانبه‌ر خه‌ڵکى ئێران و کوردستان ...
به لێدوان و به راگه‌ێندراو مه‌حکومیان کردوه.
باس کردن له جینایه‌ت و ده‌ر٠نده‌یى ئاخونده‌کان شتێکى تازه نیه و زۆربه‌ى هه‌ر زۆرى دانیشتوانى جیهان لیێ ئاگادارن، که باسم له سته‌مگه‌رى ده‌سه‌لاتى ئاخونده‌کان کرد، بۆ بیرهێنانه‌وه‌ى ٣١ ساڵ جینایه‌ت و مرۆڤ کوژى وپى ٠Žشێل کردنى مافه‌کانى مروڤ و سه‌ره‌تایێک بوو بۆ باس کردن له جینایه‌تى نوێی ئاخوندان به ئێعدامى پێنج تێکۆشه‌رى رێگه‌ى ئازادى. ئه‌و شه‌هیدانه شکه‌نجه نه‌یترساندن، ته‌نانه‌ت حوکمى ئیعدام و هه‌ر٠ه‌شه کارى نه‌کرده سه‌ر وره‌ى به‌رزیان و هه‌ر وه‌ک کێو له‌به‌رانبه‌ر دژمندا وێستان تا کۆتایی ژیانیان.
به پێویستى ده‌زانم به بۆنه‌ى شه‌هاده‌تى ئه‌و پێنج تێکۆشه‌ر و قاره‌مانه، سه‌ره‌خۆشى و په‌ژاره‌م به‌که‌س وکارى ئه‌و شه‌هیده به‌نرخانه و ئازادیخوازان و جه‌ماوه‌رى کوردستان رابگه‌یێنم.
هه‌ر به‌م بۆنه‌وه داوا له ئه‌ندامان و لایه‌نگرانى سازمانى خه‌بات و تێکراى دڵسۆزان ده‌که‌م، به هه‌ر رێگه‌ێک ده‌توانن رق و توره‌یى خوێان له به‌رانبه‌ر ئه‌و جینایه‌ته ده‌رببرن و هه‌وڵ بده‌ن به پێک هێنانى کۆرو کووبوونه‌وه به‌شدارى چالاکانه له ناره‌زایه‌تیه‌کاندا بکه‌ن.
خوداى گه‌وره سه‌بوورى که‌س وکارى ئه‌و پێنج شه‌هیده به‌نرخه بدا.
مه‌رگ و نه‌مان بۆ رژیمى ملهۆرى ئاخوندى
سه‌رکه‌وێ خه‌باتى ئازادیخوازى خه‌ڵکى ئێران
بابه شێخ حسینى
سکرتێرى گشتى سازمانى خه‌بات ى کوردستانى ئێران
٢٠ ى بانه‌مه‌ر٠ى ١٣٨٨
