داماوى رژیمى ئاخوندى له‌راست مانگرتنه‌که‌ى ٢٣ى بانه‌مه‌ر
له‌دواى ئه‌وه‌ى که خه‌ڵکى کوردستان له‌هاوده‌نگیێکى که‌م وێنه دا به‌ده‌م بانگه‌وازى مانگرتنى گشتى هێز و لایه‌نه سیاسیه‌کان کوردستانى ئێرانه‌وه هاتن و شاره‌کانى کوردستان یه‌ک پارچه مانیان گرت، رژیمى دژه مرۆڤى ئاخوندى زه‌ربه‌یێکى کاریگه‌رى به‌رکه‌وت و له‌هه‌وڵێکى نه‌زۆک و قێزه‌ون دا بازاریان و کاسبکار و دوکاندارانى شارى سنه‌ى ناچار به‌وه کردووه که دوکانه‌کانیان داخه‌ن و فشارى جۆراوجۆریان خستۆته‌سه‌ر خه‌ڵک.
به پێى راپۆرتى یه‌کێتى خانه‌واده‌ى چالاکانى زیندانى کورد، رۆژى دووشه‌ممه ٣ى جۆزه‌ردان ، کۆمه‌ڵه‌ى کاروبارى سینفى بازاریانى سنه، به ده‌ستوورى ئه‌ماکن له‌شه‌قامى فیرده‌وسى ئه‌و شاره ژماره‌یێک له‌دوکانه‌کانى به زۆر داخستووه و به هه‌ڵگرتنى پلاکاردێک له‌ژێر ناوى "کۆمه‌ڵه‌ى کاروبارى سینفى کاسبکارانى سنه به بۆنه‌ى ئازادى خورمشه‌هر"، له‌نێو کاسبکاران کۆببونه‌وه و خه‌ڵکیان به‌زۆر ناچار به داخستنى دوکانه‌کانیان ده‌کرد. له په‌نا ئه‌وه‌ش له‌پلاکاردێکى تر نووسیبوویان، ئێمه جولانه‌وه‌ى دژه شۆر٠شانه‌ى ٢٣ى بانه‌مه‌ر(که هه‌مان رۆژى مانگرتنه‌که‌یه) مه‌حکووم ده‌که‌ین و کاسبکارانیان به هه‌ر٠ه‌شه‌و به زۆر ناچار به ئیمزاکردنى ئه‌و پلاکارده ده‌کرد. جێگه‌ى باسه له‌درێژه‌ى ئه‌و فشارانه مه‌ئمورانى ئیداره‌ى ئیتلاعات نیگابانى پاساژه‌کانیان بۆ ستادى هه‌واڵده‌رى بانگ کردووه و وێراى هه‌ر٠ه‌شه‌و و ترساندنیان، داوایان لێکردوون که ببن به به‌سیج.
