کۆتایی دۆستایه‌تى روسیه له‌گه‌ڵ رژیمى ئێران
ئه‌حمه‌دى نه‌ژاد رۆژى چوارشه‌ممه ٥ى جۆزه‌ردان له کرمان له‌کاتى قسه‌کردن دا روسیه‌ى به‌وه تاوانبارکرد که له‌کێشه‌ى ئه‌تۆمى لایه‌نى ئه‌مریکا ده‌گرێ و ووتى: پێم خۆشه ئه‌و قسانه به روسیه بگات، شیکردنه‌وه‌ى ماناى قسه‌کانى مێدوێدۆف سه‌رۆک وه‌زیرى روسیه بۆ لێپرسراوانى ئێمه زۆر دژواره و ئێمه نازانین روسیه به‌راستى له‌کام به‌ره دایه به‌لام ...
به پشتیوانى له بریارنامه‌ى ته‌حریمه نێوده‌وڵه‌تیه‌کان دژى ئێران، که‌وتۆته به‌ره‌ى دژمنانى ئێمه. له‌به‌رانبه‌ر دا زۆر به خێرایی روسیه سه‌باره‌ت به‌و قسانه‌ى ئه‌حمه‌دى نه‌ژاد دژکرده‌وه‌ى نیشان دا، ووته‌بێژى دیمیترى مێدوێدۆف له‌کاروبارى سیاسه‌تى ده‌ره‌وه به هه‌واڵنیرانى ووت ئێمه له‌به‌رئه‌وه نییه که بمانهه‌وێ شوێن ئه‌مریکا بکه‌وین، به‌ڵکو له‌به‌ر قازانجه نه‌ته‌وه‌ییه‌کانى خۆمان له‌گه‌ڵ به‌رنامه ناوکه‌ییه‌کانى رژیمى ئێران دژایه‌تى ده‌که‌ین. ئه‌و لێپرسراوه‌ى روسیه ئه‌حه‌دى نه‌ژادى به هه‌ڵپه‌ره‌ست و فریوده‌ر ناوه‌زدکرد و گووتى مێژووى ئێران نیشانى داوه که که‌س نه‌یتوانیوه به سیاسه‌تى هه‌لپه‌ره‌ستانه و فریوده‌رانه ده‌سه‌لاتى خۆى رابگرێ. رژیمى ئاخوندى که هیوادار بوو به ئیمزاى به‌یانییه‌ى سێ قۆڵى برێزیل و تورکیه و ئێران بۆ گۆرینه‌وه‌ى سووته‌مه‌نى ناوکه‌یی له په‌سه‌ند کردنى بریارنامه‌یێکى دیکه‌ى شوراى ئه‌منیه‌ت ده‌ربازى ببێ، به‌لام ئێستا ته‌نیا ماوه‌ته‌وه و زۆربه‌ى لێکده‌ره‌وان ده‌ڵێن دۆستایه‌تى روسیه و ئێران کۆتایی پێهات.
