راپۆرتى پیشێلکردنى مافى زیندانیانى سیاسی له کۆبوونه‌وه‌ى شوراى مافى مرۆڤ
راپۆرتده‌رى تایبه‌تى سازمانى نه‌ته‌وه یه‌کگرتووکان له چواره‌مین کۆبوونه‌وه‌ى شوراى مافى مرۆڤى سازمانى نه‌ته‌وه‌کان راپۆرتێکى سه‌باره‌ت به پێشێل کردنى مافه سه‌ره‌تاییه‌کانى زیندانیانى سیاسی ئێران بلاوکرده‌وه.
له‌وراپۆرته‌دا هاتووه که راپۆرتده‌رانى تایبه‌تى سازمانى نه‌ته‌وه یه‌کگرتۆکان یه‌ک له‌وان راپۆرتده‌رى تایبه‌ت له‌پێوه‌ند به مافى گشتى، که بریتیه له ده‌ستر٠اگه‌یشتن به سه‌رووترین ئیستاندارده‌کانى ته‌ندورستى جه‌سته‌یی و روحى، له‌گه‌ڵ سه‌رۆکى گروپى کار له پێوه‌ند به گرتنى
نایاسایی و سه‌ربه‌خۆ، راپۆرتده‌رى تایبه‌ت به به‌ره‌وسه‌ر بردن و پارێزگارى له مافى ئازادى راده‌ربر٠ین و راپۆرتده‌رى تایبه‌ت به داکۆکى له‌مافى مرۆڤ و راپۆرتده‌رى تایبه‌ت به کاروبارى شکه‌نجه وباقى هه‌ڵس و که‌وتى بێ به‌زه‌ییانه و نه‌شیاو، داوایێکى هاوبه‌ش و به په‌له‌یان له‌پێوه‌ند به ئازاد کردنى مه‌نسوورى ئوسانلو سه‌رۆکى سه‌ندیکاى ئوتوبوس لێخورانى تاران و ده‌وروبه‌رى ده‌رکردووه. له‌و راپۆرته سه‌باره‌ت به هێرشه به‌رده‌وامه‌کان بۆسه‌ر ئوسانلو و هه‌روه‌ها بارودۆخى ناله‌بارى ئوسانلو له‌زیندان نیگه‌رانى ده‌ربردراوه و داواى ئازادکردنى ناوبراویان کردووه، به‌لام رژیمى ئێران وه‌لامى ئه‌و داوایه‌ى رێکخراوى نه‌ته‌وه یه‌کگرتۆکانى نه‌داوه‌ته‌وه.
