به‌ڵگه‌یێکى نێوده‌وڵه‌تى له‌سه‌ر پاریزگارى له شارى ئه‌شره‌ف
راپۆرتده‌رى تایبه‌تى بردنه‌سه‌ره و پارێزگارى له‌مافى ئازادى بیرورا و راده‌ربرینى نه‌ته‌وه یه‌کگرتۆکان له‌راپۆرتى خۆى به‌شوراى مافى مرۆڤى نه‌ته‌وه یه‌کگرتۆکان، خاڵه‌کانى جینایه‌ت دژى مرۆڤایه‌تى له‌کاتى هێرش بۆسه‌ر شارى ئه‌شره‌ف له‌لایه‌ن هێزه‌کانى عێراقى له شه‌ش و حه‌وته‌مى گه‌لاوێژ و بارمته‌گرتنى ٣٦ ئه‌ندامى موجاهیدینى خه‌ڵقى ئێرانى ده‌ستنیشان کرد. ئه‌و به‌ڵگه ره‌سمیه‌ى نه‌ته‌وه یه‌کگرتۆکان...
له لایه‌ن ٣ لیپرسراوى دیکه‌ى نه‌ته‌وه‌یه‌کگرتۆکان، که بریتین له سه‌رۆکى گروهى کارى گرتنى سه‌ره‌رۆیانه، راپۆرتده‌رى تایبه‌ت سه‌باره‌ت به شکه‌نجه و سزاى زاڵمانه و راپۆرتده‌رى تایبه‌ت له‌سه‌ر مافى ده‌ستراگه‌یشتن به باشترین ئیستاندارده‌کانى سلامه‌تى جه‌سته‌یی و روحیش ئیمزا کراوه. هه‌ڵس و که‌وتى نامرۆڤانه له‌گه‌ڵ ٣٦ بارمته‌ى ئه‌شره‌ف، شکه‌نجه‌ى بارمته برینداره‌کان و راگرتنیان به پێچه‌وانه‌ى حوکمى قازى، له ١٠ مادده‌ى جیاواز ئیعترازى له‌سه‌ر گیراوه. جێگه‌ى باسه هه‌ر له‌و چوارچێوه‌یه‌دا نوێنه‌رى کۆنگره‌ى ئه‌مریکا "ئێد تاونز" له لێدوانێدا که له بلاوکراوه‌ى رسمى کۆنگره‌ى ئه‌مریکا بلاوبۆته‌وه، گووتى: ده‌وڵه‌تى ئه‌مریکا له‌گه‌ڵ تاک به‌تاکى ئه‌ندامانى موجاهدین له‌شارى ئه‌شره‌ف قسه‌ى کرد و به‌ڵێنى پێداون که له‌به‌رانبه‌ر هه‌ر٠ه‌شه‌کانى رژیمى ئێران پارێزگاریان لێده‌که‌ن. من وه‌بیر سه‌رۆک کۆمار ئۆباما و وه‌زیرى ده‌ره‌وه کلینتۆن دێنمه‌وه که ئێمه ده‌بێ پێبه‌ندى به‌ڵێنه ئه‌خلاقیه‌کانمان بین.
