نیگه‌رانى قووڵى عێراق له‌مه‌ر٠ تۆپبارانى سنوورى هه‌ریمى کوردستان له‌لایه‌ن رژیمى ئێرانه‌وه
له‌پاش به‌رده‌وام بوونى تۆپبارانه‌کانى سه‌رسنوورى هه‌ریمى کوردستانى عێراق و ئێران، سه‌رۆکى حکوومه‌تى هه‌ریمى کوردستان مه‌سعوود بارزانى نیگه‌رانى قووڵى خۆى ده‌ربرى و ئه‌و هه‌نگاوانه‌ى رژیمى ئێرانى به توندى مه‌حکووم کرد و داواى له باقى به‌رپرسانى بالاى عێراق کرد که هه‌وڵ بۆ کۆتایی هێنانى ئه‌و ره‌وشه نایاساییه بده‌ن. به‌لام له‌پاش ئه‌و لیدوانانه‌ى سه‌رۆکى هه‌ریمى کوردستانیش ...
تۆپبارانه‌کانى رژیمى ئێران به‌رده‌وام بوو و ته‌نانه‌ت رژیم ده‌ستى دایه کردنه‌وه‌ى پێگه‌یێکى نیزامى و ئه‌حمه‌دى نه‌ژاد له‌موساحه‌به‌ێکدا و هه‌ره‌وها ووته‌بێژى وه‌زاره‌تى ده‌ره‌وه‌ى رژیمیش رایانگه‌یاند: تۆپبارانه‌کان راناگرن و مافى خۆیانه ئه‌و ناوچانه تۆپباران بکه‌ن. به پێى دوایین راپۆرته‌کان، له‌دوا هه‌ڵوێست رۆژى چوارشه‌ممه ١٩ى جۆزردان وه‌زیرى ده‌ره‌وه‌ى عێراق هوشیار زێبارى ئه‌وپه‌رى نیگه‌رانى به‌غداى له پێوه‌ندییه‌که‌ى ته‌له‌فوونى دا به مه‌نوچێهرى موتته‌کى وه‌زیرى ده‌ره‌وه‌ى رژیمى ئێران راگه‌یاند و داواى لێکرد توپباران و جم و جووڵه سه‌ربازییه‌کان ده‌ستبه‌جێ رابگیرێ.
