راگه‌یێندراوى سازمان خه‌بات له پێوه‌ند به نار٠ه‌زایه‌تیه جه‌ماوه‌ریه‌کانى جۆزه‌ردانى ساڵى رابردووى ئ٠یران دواى شانۆى ده‌یه‌مى هه‌ڵبژاردنى سه‌رۆک کۆمارى
له‌دواى ئه‌وه‌ى جارێکى دیکه له شانۆى هه‌ڵبژاردنى سه‌رۆک کۆمارى له ٢٢ى جۆزه‌ردانى ساڵى ١٣٨٨، خامنه‌یى و باندى خاوه‌ن هێز و ده‌سه‌لات، بۆ ده‌وره‌یێکى چوار ساڵه‌ى دیکه ئه‌حمه‌دى نژادیان به سه‌رۆک کۆمار دانایه‌وه، به‌و هۆیه‌وه هه‌رکام له میر حسێن موسه‌وى و مه‌هدى که‌ر٠وبى و موحسین ر٠ه‌زایى که له فلته‌رى شور٠اى نیگه‌هبان ده‌رچوبوون و پاڵێوراوى سه‌رۆک کۆمارى بوون، به سه‌ر له نوێ دیارى کردنه‌وه‌ى ئه‌حمه‌دى نژاد به سه‌رۆک کۆمار، نار٠ه‌زایه‌تیان ده‌ربر٠ى و هه‌ر سێ پاڵێوراو که‌وتنه ره‌خنه گرتن له شێوه‌ى هه‌ڵبژاردن. له سه‌ره‌تادا رایانگه‌یاند که ئاکامى شانۆگه‌رییه‌که قه‌بووڵ ناکه‌ن. به‌لام زۆرى نه‌برد که موحسین ره‌زایى له بۆچوونه‌کان و ره‌خنه‌کانى پاشگه‌ز بۆوه و ئاکامه‌که‌ى قه‌بوڵ کرد، هه‌روه‌ها له دواییدا مه‌هدى که‌ر٠وبى له راگه‌یێندراوێکدا ...
سه‌رۆک کۆمارى ئه‌حمه‌دى نژادى قه‌بووڵ کرد.
به‌لام نار٠ه‌زایه‌تیه‌کان له ئاکامى شانۆگه‌ریه‌که و هه‌روه‌ها ره‌خنه‌ى مۆره‌کانى ده‌سه‌لات له پێکهاته‌ى ده‌سه‌لاتدارى، هه‌ل و مه‌رجێکى له‌بارى خوڵقاند بوه هۆى ئه‌وه جه‌ماوه‌رى وه‌زاڵه هاتوو له سته‌م و بێ عه‌داڵه‌تى، له‌و هه‌له که‌ڵک وه‌رگرن و بکه‌ونه ره‌خنه و نار٠ه‌زایه‌تى له رژیم. چه‌ندین شارى گه‌وره‌ى ئێران به‌تایبه‌ت شارى تاران شاهیدى نار٠ه‌زایه‌تى به‌رینى جه‌ماوه‌ر بوو. هێزه سه‌رکوتگه‌ره‌کانى ر٠ژیمیش بۆ کپ کردنى نار٠ه‌زایه‌تى جه‌ماوه‌ریى به توندترین شێوه که‌وتنه گیان خه‌ڵک و ژماره‌یێکیان شه‌هید کرد و ده‌یان که‌سیان بریندار و سه‌دان که‌سیان له چاڵه ره‌شه‌کاندا زیندانى کرد.
نار٠ه‌زایه‌تیه جه‌ماوه‌ریه‌که‌ى دواى ٢٢ى جۆزه‌ردان نوقته گۆر٠انێک بوو له خه‌باتى جه‌ماوه‌رى ئێران له‌به‌رامبه‌ر ده‌سه‌لاتى فاشیستى ئاخوندیدا. ئه‌گه‌رچى هێندێک هه‌وڵیان دا نار٠ه‌زایه‌تى خه‌ڵک به پشتیوانى له موسه‌وى و که‌ر٠وبى بناسێنن، به‌لام راستیه‌که‌ى ئه‌وه‌یه که جه‌ماوه‌رى بێزار له سته‌م و بێ عه‌داڵه‌تى له ناکۆکى نێوان مۆره و باڵه‌کانى ر٠ژیم که‌ڵکیان وه‌رگرت زیاتر نار٠ه‌زایه‌تیه‌کان گه‌رم و گور٠تربوون. له‌و چوارچێوه‌دا لایه‌نگرانى موسه‌وى و که‌ر٠وبى و به‌ناو ئیسلاح خوازان کارى سه‌ره‌کیان ئه‌وه‌بوو که جولانه‌وه‌که به جولانه‌وه‌ى سه‌وز و پشتیوانى که‌ر٠وبى و موسه‌وى بناسێنن، دیاره له‌و پێوه‌ندیه‌دا هێندێک سه‌رکه‌وتنیان وه‌ده‌ست هێناو توانیان ئه‌و بزووتنه‌وه جه‌ماوه‌ریه، که بێ گومان له‌گه‌ڵ ویست و ئامانجه‌کانى که‌ر٠وبى و موسه‌وى نه‌ده‌هاته‌وه، له‌لاى ژماره‌یێک له رۆژنامه و ناوه‌نده سیاسیه‌کان به بزووتنه‌وه‌ى سه‌وز بناسێنن. به‌لام دواى ساڵێک ئه‌و راستیه به‌باشى ده‌رکه‌وت که موسه‌وى و که‌ر٠وبى ئامانجیان بێجگه له وه‌ده‌ست هێنانى ده‌سه‌لات شتێکى دیکه نیه، ئه‌وان ئیسلاحاتیان له چوارچێوه‌ى کۆمارى ئیسلامیدا گه‌ره‌که، ئه‌وان باوه‌ر٠یان به قانوونى ئه‌ساسى و ر٠ێبازى خومه‌ینى و حکومه‌تى دینى و ویلایه‌تى فقیه هه‌یه. هه‌ر بۆیه ناکرێ ویست و ئامانجى ئه‌وان له‌گه‌ڵ ویست و ئامانجى جه‌ماوه‌ر و ئازادیخوازان و هێزه شۆر٠شگێر٠ه‌کان که رووخانى ر٠ژیمه، یه‌ک بگرێته‌وه و بزووتنه‌وه‌ى جه‌ماوه‌ریى به بزووتنه‌وه‌ى سه‌وز بۆ پشتیوانى له که‌ر٠وبى و موسه‌وى بناسێندرێ.
بێ گومان ئه‌گه‌ر هه‌ر یه‌ک له موسه‌وى یا که‌ر٠وبى وه‌ک سه‌رۆک کۆمار سه‌ریان له سندوقه‌کانى شانۆى هه‌ڵبژاردن ده‌ر بهێنایه، هیچ کات ره‌خنه‌یان نه‌ده‌بوو و فه‌رمانى خامنه‌ییان جێ به‌جێ ده‌کرد و ئه‌وه‌ى پێیان بگوترایه رازى ده‌بوون. موسه‌وى و که‌ر٠وبى ئیعترازیان له سیستمى ده‌سه‌لات نیه، به‌ڵکو ئیعترازیان له‌وه‌یه که ر٠ێگه‌یان پێ نادرێ حکومه‌ت پێک بێنن.
که‌م که‌س هه‌یه نه‌زانێ که موسه‌وى و که‌ر٠وبى زیاتر له ٢٥ ساڵه به‌رپرس و به‌ر٠ێوه‌به‌رى ده‌سه‌لات بوون، ته‌نانه‌ت ئاخوند خاته‌مى هاوکار و هاو بۆچونیان، ماوه‌ى ٨ ساڵ سه‌رۆک کۆمارى رژیم بوو، ئه‌ى بۆچى له ماوه‌ى ئه‌و چه‌ندین ساڵه‌دا به قازانجى جه‌ماوه‌ر کارێکیان نه‌کرد. بێ گومان ئه‌وانیش هاوبه‌ش و هاوکارن له جینایه‌ت و ئه‌و بێ عه‌داڵه‌تیه‌ى ده‌سه‌لاتداریى که به‌رامبه‌ر به جه‌ماوه‌رى ئێران ئه‌نجامى داوه.
سازمانى خه‌بات ى کوردستانى ئێران جارێکى دیکه و به‌م بۆنه‌وه هه‌ڵوێستى نه‌گۆر٠ى خۆى که پشتیوانى له نار٠ه‌زایه‌تیه جه‌ماوه‌ریه‌کان دژ به پێکهاته‌ى ده‌سه‌لاتى ئاخوندى و هه‌روه‌ها ئه‌و بۆچوونه‌ى که ر٠ژیمى ئاخوندى گۆر٠انى به‌سه‌ردا نایى دووپات ده‌کاته‌وه. هه‌روه‌ها باوه‌ر٠ى وایه که ئه‌گه‌ر هه‌ر مۆره‌یێکى ده‌سه‌لات باوه‌ر٠ی به ئازادى و عه‌داڵه‌ت هه‌بێ، ده‌بێ پێش له هه‌ر کارێک دژایه‌تى خۆیان له‌گه‌ڵ قانوونى ئه‌ساسى، که به‌ردى بناغه‌ى حکومه‌تى سه‌رکوت و مرۆڤ کوژیه رابگه‌یێنێ. هه‌ر مۆره‌یێکى ده‌سه‌لات کاتێک ده‌توانێ بگه‌ر٠ێته‌وه بۆ باوه‌شى جه‌ماوه‌ر، که دژ به سیستمى ویلایه‌تى فقیه بێ و پشتیوانى له دامه‌زراندنى حکومه‌تێکى دیموکراتیک و ئازادیخواز بکا.
ره‌نگه موسه‌وى و که‌ر٠وبى لێره و له‌وێ و له راگه‌یێندراوه‌کاندا باس له ئازادى بکه‌ن، به‌لام ئه‌و ئازادیه‌ى ئه‌وان قسه‌ى لێ ده‌که‌ن، بێ بنه‌مایه و ته‌نیا به مه‌به‌ستى مانه‌وه‌یانه له دایره‌ى حوکمر٠انى و سووربوونیانه له‌سه‌ر په‌ره پێدان به سیستمى ده‌سه‌لاتدارى ئاخوندى و قانوونى ئه‌ساسى که پر٠ه له جیاوازى دانان بۆ گه‌لانى ئێران و بیرو بۆچوونه جیا جیاکان.
سازمانى خه‌بات ى کوردستانى ئێران، باوه‌ر٠ى وایه باشترین و نزیکترین ر٠ێگه بۆ ر٠زگارى خه‌ڵکى ئێران و گه‌یشتنى گه‌لى کورد به مافه بنچینه‌ییه‌کانى، رووخانى یه‌کجاریى ده‌سه‌لاتى ویلایه‌تى فقیه و له‌ناو چوونى تێکر٠اى باند و ده‌سته‌کانى ده‌سه‌لاتداریه.
کۆمیته‌ى ناوه‌ندى سازمانى خه‌بات ى کوردستانى ئێران، له‌گه‌ڵ یادکردنه‌وه‌ى نار٠ه‌زایه‌تى جه‌ماوه‌ریى جۆزه‌ردانى ساڵى رابردوو له‌به‌رامبه‌ر ده‌سه‌لاتى ئاخوندى، دروود ده‌نێرێ بۆ رۆحى پاکى شه‌هیدانى نار٠ه‌زایه‌تیه‌کانى ساڵى ١٣٨٨ و زیندانیانى سیاسى جولانه‌وه‌ى ئازادیخوازى سه‌رانسه‌رى دژ به ده‌سه‌لاتى نا مه‌شروعى ویلایه‌تى فقیه.
مه‌رگ و نه‌مان بۆ ر٠ژیمى دیکتاتۆرى ئاخوندى و باند و ده‌سته‌کانى
کۆمیته‌ى ناوه‌ندى
سازمانى خه‌بات ى کوردستانى ئێران
٢٠ /٣/١٣٨٩
