کۆرێک به‌مه‌به‌ستى چاوخشاندنێک به به‌رهه‌مه‌کانى ئومێد راستبین له‌شارى سنه به‌رێوه چوو
به‌رنامه‌ى چاوخشاندنێک به به‌رهه‌مه‌کانى ئومێد راستبین سینه‌ماکارى لاوى شارى سنه له‌لایه‌ن ئه‌نجوومه‌نى سینه‌ماى لاوانى ئێران ـ ناوه‌ندى سنه به ئاماده‌بووانى ده‌رهێنه‌ر و هونه‌رمه‌ندانى شارى سنه به‌رێوه چوو. به پێى راپۆرتى به‌شى هونه‌رى په‌یامنێر سه‌ره‌تا کورته فیلمى چیرۆکى دیکۆمێنتى "مه‌ستووره‌ى ئه‌رده‌لان" که ٣٠ ده‌قیقه‌یه و سه‌باره‌ت ...
به ژیان و که‌سایه‌تى خانمه شاعیرى کورد مه‌ستووره‌ى ئه‌رده‌لانه نمایش کرا. دواى نمایش کردنى کورته فیلمه‌که کۆرى ره‌خنه و هه‌ڵسه‌نگاندن به کۆرگێرى ده‌رهێنه‌رى کورد ( جه‌لال نه‌سیرى هانیس، ئومێد راستبین و جه‌ماڵ ئه‌حمه‌دى ئایین) به‌رێوه‌چوو و تیایدا خاڵه به هێز و لاوازه‌کانى ئه‌و فیلمه خرایه‌روو و ئومێد راستبینیش وه‌لامى پرسیارى ئاماده‌بووانى دایه‌وه. کورته فیلمى "مه‌ستووره‌ى ئه‌رده‌لان" بۆ یه‌ک جار له‌به‌شی کێبه‌رکێى ٢٤مین حوولى فستیواڵى نه‌ته‌وه‌یی و ١٢مین خوولى فستیواڵى نێونه‌ته‌وه‌یی کورته فیلمى تاران له‌ساڵى ٢٠ ٠ ٧ له‌سینه‌ما فه‌له‌ستینى تاران نمایش کرا و تابلۆى شانازى و خه‌لاتى نه‌قدى به‌ده‌ستهێنا. ئومێد راستبین خاوه‌نى چه‌ندین کورته فیلم و زه‌نجیره‌ى به‌رنامه‌ى ته‌له‌فیزیۆنی و به‌رهه‌مى جیاجیایه.
