" جامى جیهانى فوتباڵ"
نووسه‌ر: هه‌ڵۆ
رۆژى هه‌ینى ٢١ى جۆزه‌ردان، یارییه‌کانى جامى جیهانى فوتباڵ جامى (١٩) نوزده‌هه‌م له ئه‌فریقاى باشوور به ئاهه‌نگێکى به شکۆ و که‌م وێنه له مه‌یدانى فوتباڵى سه‌ره‌کى له شارى ژۆهانسبورگى پێته‌ختى وولاتى ئه‌فه‌ریقاى باشوور ده‌ستى پێ کرد. له یارى یه‌که‌مدا که له نیوان، تیمى فوتبالى ئه‌فریقا و تیمى فوتباڵى مکزیک ده‌ستى پێ کرد و ژماره‌ییکى به‌رچاو له خه‌ڵک ئاماده بوون، به به‌رانبه‌ر بوونى، یه‌ک گوڵ به یه‌ک گوڵ بۆ هه‌ر دوولا کوتایى پێ هات. له جامى جیهانى فوتباڵى ئه‌م ده‌وره‌یه٣٢تیم به‌شدارن که به سه‌ر ٨ ده‌سته‌دا دابه‌ش بوون و هه‌ر ده‌سته‌یێک چوار تیم ...
له خۆده‌گرێ. بێ گۆمان وه‌رزش به تێکراو فوتباڵ به تایبه‌ت لایه‌نگرێکى زورى هه‌یه و له‌م سه‌رده‌مه‌دا، وه‌رزش و پێراگه‌یشتن به وه‌رزشکاران بۆته یه‌کیک له ئه‌رکه سه‌ره‌کیه‌کانى حکومه‌ت و ده‌سه‌لاتداران. ئاشکرایه له ئێستادا، وه‌رزش جیاناکرێته‌وه له ئه‌رک و کارى ده‌سه‌لات و بۆته ئه‌رکێکى سه‌ره‌کى و به‌رچاو له سیاسه‌تدا. ئه‌گه‌ر ئابوورى، وکاروبارى کۆمه‌لایه‌تى و به‌رێوه‌به‌ریى، به‌شێکى سه‌ره‌کى له کار و زانستى سیاسه‌تن، بى گومان له‌م سه‌رده‌مه‌شدا، پێشکه‌وتنى وه‌رزشى و به‌تایبه‌ت فوتباڵ له‌گه‌ڵ" مه‌عریفه" زانست و پێشه‌سازى له بنه‌ماکانى سیاسه‌ت وئه‌رکى به‌ریوه به‌رییه و هه‌ر حکومه‌ت و ده‌سه‌لاتیک بایه‌خ به وه‌رزش نه‌دا، بیگومان به حکومه‌ت و ده‌سه‌لاتى سه‌رکه‌توو ناژمێردرێ. جیاوازا له‌و راستیانه وه‌رزش گرینگى زۆرى بۆ بارى ئابوورى هه‌یه و هه‌ر وولاتیک له پێش بردن و گه‌شه‌سه‌ندنى وه‌رزش دا سه‌رکه‌وتوو نه‌بێ، هۆیێکى گرینگى بۆ گه‌شه‌ى ئابوورى له ده‌ست داوه. وولاتیکى وه‌ک برێزیل که وه‌رزش به تیکرا و فوتباڵ به تایبه‌ت گه‌شه‌ى به‌رچاوى تیدا کردوه، له بارى ئابووریشه‌وه که‌ڵکى زۆرى له وه‌رزش پێ گه‌یشتوه. دیاره ئه‌گه‌ر وولاتێک میواندارى هه‌ر بۆنه و کێبه‌رکێیه‌کى وه‌رزش بکا به سه‌دان ملوێن دۆلار قازانجى ده‌ست ده‌که‌وێ، ته‌نانه‌ت ئه‌و قازانجه ئابووریانه له‌درێژماوه به‌رده‌وام ده‌بن. هه‌ر له به‌ر ئه‌وهۆیانه‌شه که زۆربه‌ى ده‌سه‌لاتدارانى جیهان، ناچارن گرینگى به وه‌رزش بده‌ن و ده‌بێ زۆر به باشی له هه‌ستى کۆمه‌ڵگا به‌رانبه‌ر وه‌رزش و فوتباڵ بگه‌ن. بیگومان نۆزده‌یه‌مین جامى جیهانى فوتباڵ گرینکى زیاترى هه‌یه له ١٨جامه جیهانیه‌که‌ى پێشوو ، چونکه له ئیستادا شاهیدى پێش که‌وتنى زیاترى کۆمه‌ڵگاکان و به‌ره‌وسه‌رچوونى ووشیارى زیاترى کۆمه‌ڵگاى مروڤایه‌تین. له‌جامى جیهانى یه‌ک مانگ به‌شێکى زۆرى دانیشتوانى جیهان گرینگى به کێبه‌رکێکانى فوتباڵ ده‌ده‌ن و ته‌نانه‌ت له‌وماوه‌دا ژماره‌یه‌کى زور له کارمه‌ند و به‌ریۆه‌به‌رکان، وه‌ک پێویست گرینگى به کاره‌کانیان ناده‌ن. هه‌روها زۆرجار به هۆى خۆشه‌ویستى بۆ یه‌کێک له تیمه‌کانى فوتباڵ، کاره‌ساتى گه‌وره ده‌که‌وێته‌وه، ته‌نانه‌ت زور جار که‌سانێک به دواى دۆر٠انى تیمه‌که‌یان خو٠Žیان کوشتووه، که هیوادارین له جامى جیهانى ٢٠ ١٠ شاهیدى روداوى ناخۆش نه‌بین. له کۆتاییدا ده‌ڵێن جامى جیهانى فوتباڵ روداوێکى گرینگى وه‌رزشیه و هه‌روه‌ها روداوێکى گرینگیشه بۆ ئه‌وحکومه‌ت و وولاتانه‌ى تیمه‌کانیان به‌شدارى جامى تێدا داکه‌ن. به‌و هیوایه‌ى هه‌موو وه‌رزش دۆستیکى کورد تام و چیژ له جامى جیهانى ٢٠ ١٠ وه‌رگرێ.
