ئیمارات ٤٠ شیرکه‌تى پێوه‌ندیدار به رژیمى ئاخوندى داخست
به پێى راپۆرتى رۆژنامه‌ى گۆڵفنیوز، چاپى ئه‌بوزه‌بی ئه‌ماراتى عه‌ره‌بی و به پێى ووته‌ى سه‌رچاوه‌ێکى ره‌سمى ئیمارات، ئه‌و وه‌لاته زیاتر له ٤٠ شیرکه‌تى به هۆى پێبه‌ند نه‌بوون به ته‌حریمه نێوده‌وڵه‌تیه‌کان دژى ئێران، داخستووه. ئه‌و سه‌رچاوه‌یه که ناوه‌که‌ى ئاشکرا نه‌بووه، گووتوویه‌تى: ئه‌و شیرکه‌ته داخراوانه له گوازتنه‌وه‌ى که‌ل و په‌لى دوو که‌ڵکه ده‌ستیان هه‌بووه. ناوبراو زیادى کرد: ئیمارات هه‌ر شیرکه‌تێک ...
که ده‌رکه‌وێ له‌گه‌ڵ سپاى پاسدارانى ئێران و یان هه‌ر که‌س و رێکخراوێکى ژێر گه‌مارۆى رێکخراوى نه‌ته‌وه یه‌کگرتۆکان پێوه‌ندى هه‌بێ داده‌خا. ئیماراتى یه‌کگرتووى عه‌ره‌بی له‌گه‌وره‌ترین شیرکه‌کانى بازه‌رگانى ئێرانه و ٤٠ ٠ هه‌زار ئێرانیش له‌و وه‌لاته نیشته‌جێن. جێگه‌ى باسه رۆژ له‌دواى رۆژ پانتایی گه‌مارۆکان دژى رژیمى ئێران به‌رفراوانتر ده‌بێ و ئاخوندانى وه‌ترس خستوه. رۆژنامه‌ى حکوومه‌تى جمهورى به نیگه‌رانیه‌وه نووسی: ژاپۆن و کۆره‌ى باشووریش چوونه ریزى وه‌لاتانێک که بێجگه له ته‌حریمه‌کانى شوراى ئه‌منیه‌ت یه‌ک لایه‌نه و جیاواز ته‌حریم دژى ئێران به‌رێوه ده‌به‌ن. له‌دواى کرده‌وه‌ى شوراى ئه‌منیه‌ت سه‌باره‌ت به په‌سه‌ند کردنى بریارنامه‌ى ١٩٢٩ و په‌سه‌ند کردنى گه‌مارۆى نوێ دژى رژیمى ئێران، وه‌لاتانى ئوسترالیا، ئه‌مریکا و یه‌کێتى ئورووپاش ته‌حریمى زیاتریان له‌دژى رژیم له‌به‌رچاو گرتووه.
