٢٠ له سه‌دى خه‌ڵکى ئێران پێویستیان به خزمه‌تگوزارى ده‌رونناسى هه‌یه
سه‌رۆکى ئه‌نجومه‌نى ده‌رونناسانى ئێران، هه‌ل و مه‌رجى کۆمه‌ڵگا له باره‌ى ته‌ندروستى ره‌وانى (بهداشت روان شناسى) به خراب زانى.
دوکتور ئه‌حمه‌د جه‌لیلى ئیشاره‌ى به هه‌ل و مه‌رجى جۆراوجۆرى وه‌لاتان کرد له باره‌ى ته‌ندروستى ره‌وانه‌وه و به هه‌واڵده‌رى حکومه‌تى فارسى گووت: به شێوه‌ى مام ناوه‌ندى نزیک به ٢٠ له سه‌دى خه‌ڵکى ئێران پێویستیان به خزمه‌تگوزارى ده‌رونناسى هه‌یه.
ناوبراو ته‌کیدى کرده‌وه که له ئێران دا لێکۆڵینه‌وه‌ى زۆر له بارى ته‌ندروستى ره‌وانى ئه‌نجام نه‌دراوه و زیادى کرد: ئه‌وه‌ى بلاو ده‌کرێته‌وه لێکۆڵینه‌وه‌یێکى پرت و بلاوه که له سالانى ر٠ابردوودا ئه‌نجام دراون و هه‌ر به‌و پێ یه ناتوانرێ ئه‌ندازه‌یێکى راست له هه‌ل و مه‌رجى ئێستاى ته‌ندروستى ره‌وانى له کۆمه‌ڵگا بلاو بکرێته‌وه.
جه‌لیلى هه‌روه‌ها له هه‌لاوسان، پیسى هه‌وا، که‌مى ته‌ختى نه‌خۆشخانه، ئیمکاناتى ده‌رمانى، راست نه‌بوونى زانستى پزیشکى و هه‌ل و مه‌رجى ئابوورى خه‌ڵک ئه‌و هۆیانه‌ن که شوێنه‌واریان هه‌یه له سه‌ر ته‌ندرووستى ره‌وانى له کۆمه‌ڵکا، و ووتى: له وه‌ها هه‌ل و مه‌رجێکدا ده‌بێ بگووترێ که کۆمه‌ڵگا له هه‌ل و مه‌رجێکى ته‌ندروستى ره‌وانیدا نیه.
ناوبراو گووتى: دیارى نه‌کردنى بوجه‌یێک بۆ ئه‌و مه‌سه‌له و هه‌روه‌ها گۆر٠ینى په‌یتا په‌یتاى به‌رپرسان بوونه‌ته هۆى ئه‌وه‌ى که کارى ئه‌و ئه‌نجومه‌نه تووشى موشکل بێ.
