ئه‌مریکا داواى کرد چاودێرى ئابڵوقه‌کانى ئه‌نجومه‌نى ئاسایشى پێ بسپێردرێ
وه‌زاره‌تى ده‌ره‌وه‌ى ئه‌مریکا داواى له رێکخراوى نه‌ته‌وه یه‌کگرتووه‌کان کرد کۆمیته‌یێک پێک بێت که چاودێرى ئابڵوقه‌کانى رێکخراوى نه‌ته‌وه‌یه‌کگرتووه‌کان دژ به رژیمى ئێران بکا و ئه‌و وه‌لاتانه‌ى که له به‌رێوه‌بردنى ئه‌و ئابڵوقانه خۆده‌بوێرن، بناسێنێ.
برایان هوک جێگرى مه‌سه‌له‌ى نێونه‌ته‌وه‌یی وه‌زاره‌تى ده‌ره‌وه‌ى ئه‌مریکا گوتى: رژیمى ئێران هه‌روا گوێ به داواکانى ئه‌نجومه‌نى ئاسایشى نه‌ته‌وه یه‌کگرتووه‌کان نادا.
ئه‌و رژیمه به هۆى فشارى ئابڵوقه‌کانه‌وه زه‌ره‌رى لێکه‌وتووه و تووشى ته‌ریک بوونه‌وه بووه، رێکخراوى نه‌ته‌وه یه‌کگرتووه‌کان ده‌بێ به پێک هێنانى کۆمیته‌یێک ئه‌و وه‌لاتانه‌ى ئه‌و ئابڵوقانه به‌رێوه نابه‌ن، دیارى بکا.
له‌لایێکى دیکه‌وه ر٠ابێرت گیتس وه‌زیرى دیفاعى ئه‌مریکا ووریایی دا: رژیمى ئێران له هه‌وڵ دایه چه‌کى ناوکه‌یی دروست بکا. ناوبراو که له ناوه‌ندى کارنگى قسه‌ى ده‌کرد، زیادى کرد: ئیمتیازى جۆراوجۆر به‌و رژیمه دراوه به‌لام نایهه‌وێ گه‌لاڵه‌ى ناوکه‌یی خۆى ر٠اگرێ.
