که‌بوودوه‌ند پێویستى به ده‌رمان کردنه نه‌ک ته‌ئیدى ١١ ساڵ زیندان بۆى
رێکه‌وتى ٢ى خه‌زه‌ڵوه‌رى ١٣٨٧ دادگاى پێداچوونه‌وه‌ى ئوستانى تاران حوکمى ١١ ساڵ زیندانى بۆ محه‌ممه‌د سدیق که‌بودوه‌ند ته‌ئید کرده‌وه.
ئه‌و حوکمه رێکه‌وتى ٢ى پووشپه‌ر٠ى ١٣٨٧ له‌لایه‌ن لقى ١٥ى دادگاى رژیم له تاران به تاوانى دامه‌زرانى رێکخراوى دیفاع له مافى مرۆڤى کوردستان و پروپاگه‌نده دژ به رژیم ده‌رچوو. پارێزه‌رى ئه‌و رۆژنامه‌نووسه خانمى نه‌سرین ستوده به هه‌واڵنێرانى بێ سنوورى ر٠اگه‌یاندوه که په‌روه‌نده‌ى ناوبراوى بۆ پێداچوونه‌وه‌ى زیاتر بۆ ده‌فته‌رى ئاخوند شاهرودى ده‌نێرێ.
هه‌واڵنێرانى بێ سنوور له‌وه باره‌وه رایانگه‌یاندوه: محه‌ممه‌د سدیقى که‌بودوه‌ند به تاوانى نار٠ه‌وا به زیندان مه‌حکوم کراوه، دیفاع له مافى مرۆڤ دژ به ئاسایشى نه‌ته‌وه‌یی نیه. ئه‌وه ته‌نیا به‌هانه‌یه بۆ سه‌رکوتى رۆژنامه‌نووسان، که له نووسراوه‌کانى دا هه‌موو کاتێ له جیاوازى و پێشێلکارى مافى نه‌ته‌وه‌کان نار٠ه‌زایه‌تى ده‌ربر٠یوه.
مافه سه‌ره‌تاییه‌کانى وه‌ک ده‌رمان کردن و چاوپێکه‌وتن له‌گه‌ڵ پارێزه‌ر و خانه‌واده‌ى ئه‌و رۆژنامه نووسه له‌لایه‌ن به‌رپرسانى دادوه‌رى و ئه‌منیه‌تى رژیمه‌وه پێشێل ده‌کرێ. به‌رپرسانى رژیمى ئێران له سلامه‌تى زیندانیه‌کان به‌رپرسن. محه‌ممه‌د سدیقى که‌بوودوه‌ند پێویستى به ده‌رمان کردنه له ده‌ره‌وه‌ى زیندان.
ناوبراو له مانگى پووشپه‌ر٠ى ١٣٨٦ه‌وه له زیندانى ئه‌وینه و نه‌خۆشى کولیه، جه‌رگ و پرۆستاتى هه‌یه و تا ئێستا بێ به‌ش کراوه له مه‌ره‌خه‌سى. په‌رى ناز حه‌سه‌نى هاوسه‌رى محه‌ممه‌د سدیق که‌بوودوه‌ند به هه‌واڵنێرانى بێ سنوورى گووتووه، له رێکه‌وتى ٣ى ر٠ه‌زبه‌وره‌وه ناوبراو چاوپێکه‌وتنى لێ قه‌ده‌غه کراوه.
له رێکه‌وتى ٢ى خه‌زه‌ڵوه‌ر ر٠اگه‌یێندرا که دادگاى پێداچوونه‌وه‌ى ئوستانى تاران ١١ ساڵ زیندانى بۆ ناوبراو ته‌ئید کردوه. ئه‌و دادگایه بۆ دامه‌زرانى رێکخراوى مافى مرۆڤى کوردستان حوکمى ١٠ ساڵ زیندان و بۆ پروپاگه‌نده دژ به رژیم ١ ساڵ زیندانى به سه‌ردا سه‌پاندوه.
له‌لایێکى دیکه‌وه له رێکه‌وتى ٤ى خه‌زه‌ڵوه‌رى ١٣٨٧ هێزه ئه‌منیه‌تیه‌کانى فرۆکه‌خانه‌ى تاران رێگه‌یان نه‌داوه به ١٠ که‌س له رۆژنامه‌نووسان که له ئێران بچنه ده‌ر. ئه‌و رۆژنامه‌نووسانه له‌لایه‌ن رێکخراوێکى ناحکومه‌تى ئه‌مریکاییه‌وه بانگهێشت کرابوون، له‌گه‌ڵ ئه‌وه‌ى به‌رپرسانى رژیم سه‌ره‌تا رێگه‌یان پێ دابوون به‌لام هێزه ئه‌منیه‌تیه‌کانى فرۆکه‌خانه رێگه‌یان نه‌دان و بۆ لێکۆڵینه‌وه بانگیان کردن بۆ ئیداره‌ى ئیتلاعات.
