کۆبوونه‌وه‌ى گروپى جی ٢٠ له واشینگتۆن
رۆژى شه‌ممه ٢٥ى خه‌زه‌ڵوه‌رى ١٣٨٧ـ ١٥ى نوامبرى ٢٠ ٠ ٨، رێبه‌رانى بیست وه‌لاتى پێشه‌سازى بۆ هاوئاوهه‌نگ کردنى هه‌نگاوه‌کانیان بۆ باشتر کردنى هه‌ل و مه‌رجى ئابوورى جیهان له واشینگتۆن کۆده‌بنه‌وه.
به پێى ر٠اپۆرتى هه‌واڵده‌ریه‌کان، له کاتى کۆبوونه‌وه‌ى رێبه‌رانى وه‌لاتانى جی بیست، جۆرج بووش سه‌رۆک کۆمارى ئه‌مریکا گووتى: سیستومى ئابوورى جیهان پێویستى به گۆران هه‌یه و له هه‌مانکاتدا ته‌ئکیدى کرده‌وه کێشه‌ى ئابوورى پێوه‌ندى به سیستومى بازارى جیهانیه‌وه نیه.
هاوکات له‌گه‌ڵ ئه‌و قسانه‌ى جۆرج بووش، یه‌کیه‌تى ئوروپا، روسیه و هێندێ وه‌لاتانى پێشکه‌وتوو له بارى ئابووریه‌وه داواى چاودێرى کردنى بازاره‌کانى ئابوورى جیهان بوون.
تاقمى جی بیست پێکهاتووه له وه‌لاتانى پێشه‌سازى جیهان، له‌وانه ئه‌مریکا، ژاپون و وه‌لاتانى ئه‌ندام له یه‌کیه‌تى ئوروپا، له‌گه‌ڵ روسیه، چین، برزیل و هیند.
