نیۆیۆرک تایمز: رژیمى ئێران ئورانیۆمى پێویستى بۆ دروست کردنى بۆمبى ئه‌تۆمى هه‌یه
رادوێ ئه‌مریکا، رۆژنامه‌یێکى ئه‌مریکایی بلاوى کرده‌وه، کارناسان له‌و باوه‌ر٠ه‌دان رژیمى ئێران ئورانیۆمى پێویستى بۆ دروست کردنى چه‌کێکى ناوکه‌یی به ده‌ست هێناوه.
نیۆیۆرک تایمز له زمان ئه‌و کارناسانه‌وه ده‌نووسێ، رژیمى ئێران پێش ئه‌وه‌ى بتوانێ چه‌کى ناوکه‌یی دروست بکا، مه‌جبووره سووته‌مه‌نى ناوکه‌یی بپاڵێوێ و بۆ دانان له کلاوه‌یێکى ئه‌تۆمى ئاماده‌ى بکا. هه‌روه‌ها زیادیان کردوه که روون نیه رژیم تواناى دارشتنى دروست کردنى بۆمبى هه‌یه یا نه.
سه‌رچاوه‌ى به‌راوردى کارناسان، ر٠اپۆرتى نوێى ناوه‌ندى نێوده‌وڵه‌تى ووزه‌ى ناوکه‌ییه که تێیدا هاتووه: تا سه‌ره‌تاى مانگى نوامبر رژیم ٦٣٠ کیلۆگرام ئورانیۆمى به ده‌رسه‌دێکى که‌م، به ده‌ست هێنابوو، و ئه‌و رێژه بۆ دروست کردنى چه‌کى ناوکه‌یی ته‌واوه.
یه‌کێک له کارناسان ده‌ڵێ، کۆکردنه‌وه‌ى ئورانیۆم ده‌رخه‌رى ئه‌وه‌یه که رژیمى ئێران له هه‌وڵى دروست کردنى چه‌کى ناوکه‌یی دایه. ئورانیۆم به ده‌رسه‌دى که‌م بۆ خستنه‌کارى ر٠اکتۆر به‌کار دێ و بۆ به کارهێنان له کلاوه‌ى ناوکه‌یی دا، ده‌بێ ده‌رسه‌دى پالاوته‌کردنه‌که‌ى ببرێته سه‌ر. بۆ ئه‌و کاره به پێى ووته‌ى کارناسان رژیم ده‌بێ ئه‌و سانتریڤووژانه‌ى بۆ پیتاندنى ئورانیۆم به کار ده‌برێن، به‌هێز بکا.
ئه‌نجومه‌نى ئاسایشى نه‌ته‌وه یه‌کگرتووه‌کان له هه‌وڵه‌کانى بۆ ر٠اگرتنى پیتاندنى ئورانیۆم له‌لایه‌ن رژیمه‌وه، ئابڵوقه‌ى به کار هێناوه. به‌لام ر٠اپۆرتى ناوه‌ندى نێوده‌وڵه‌تى ووزه‌ى ناوکه‌یی ده‌ڵێ، رژیم ئابڵوقه‌کان له‌به‌ر چاو ناگرێ و دانى زانیارى له‌باره‌ى هه‌ڵسوور٠انى ناوکه‌یی خۆیه‌وه ر٠اگرتووه.
